純粹愛情

結婚係咪戀愛既下一步?

拍拖可以散
結左都可以離婚
承諾左都可以唔算數
如果但求一個心靈上既保障
簽紙根本係無補於事

拍拖基本上可以二人事二人了
結婚之後要活在三姑六婆既目光
睇電視劇睇得多:
女婿同阿女嘈交
外父外母會鬧個女婿對阿女唔好
如果鬧係有用
呢個都係迫於無奈,在長輩壓力下既屈服
一段關係要靠第三者鬧下迫下先維持到
其實仲有冇意思?

"男人要負責任"
點解要佢負責任?
佢有咩責任?
女人冇責任?
點解冇人講"女人要負責任"?
我地好多時候都會當左女人係一件貨
用耐左用舊左就要買左佢
自動自覺將女人放0係一個被動、弱勢、等人接收既處境
自動自覺製造男女唔平等
結果有幾多個男女0係呢個思想下變得鬱鬱不歡?


到呢一刻為止
我仲想要"愛情"
"純粹既愛情"

我想避免任何會令愛情變得唔純粹既因素:
長輩壓力
搵個歸宿既心態(搵個有車有樓既人照顧自己,冇後顧之憂)
奉子承婚

我唔想麻木跟從任何儀式同制度
遇到個咩人
自己未必控制到
但想點談戀愛
仲可以0係自己掌握之內