Timeline人生

Fb 已經變左人生timeline記事，與其話係喺網絡世界扮多姿多彩咁悲哀，不如話係記低值得紀念既回憶

Save晒喺電腦唔靈活；電話d相未必齊（除非你唔用相機）；ig cover fd個rate唔夠高

有咩好得過用fb隨時隨地睇得返自己之前做過咩？

平時悶悶地睇返，個人都開心d

撇除唔玩fb既人，如果果個人係正常頻率用戶，連攞正牌去玩既假日都冇一兩張相up上去，我真係懷疑佢好empty，冇朋友，冇生活。

大演說家

「我一定要更加努力，不會讓支持我的人失望！很感恩我一直得到機會！」

我們朋輩中，總有幾個演說家

即係如果單靠文字認識佢，你會覺得佢好positive又熱血又為夢想前進，再加埋秀秀過的自拍/moody的照片。是個非常令人心動的人

但如果你識左佢個人在先，你知道佢只係一個自high,懶感性，講就兇狠既演說家。再衰d係完全相反：情緒化，自私,發癲，bitchy。見到落差咁大既文字，你連隔夜飯都嘔埋出來

這些人給我的啟示：睇人不要隨便相信隻言片語，要時間，經歷去印正。對人不要妄下判斷

BTW,這些人令我的fb,ig更精彩，帶來無限歡樂

One & Only

點解有d人“經常遇到感情騙子” “同自己唔同步”既另一半？

睇相佬話：佢二奶相
當事人：宿命

可能真係你條命唔好，但我更加覺得係當事人“唔帶眼識人” “唔帶腦相處”

第一種係“眼盲”，經常找錯人

遇過一個“唔好” “衰既”，下一次都係搵返個一模一樣。

根本冇從“失敗”中得到覺悟，教訓。

通常衰在貪靚仔，易比人氹。係最膚淺，最幼稚既錯誤。

第二種係“心盲”，太介意世俗眼光

唔清楚自己想要咩，以為係“靚仔”，其實可能係“安全感”。

唔清楚係因為太介意閒人/前度目光，即係“以我咁既條件，梗係要搵個XXX架啦，如果唔係我咪好冇面？”

記得當初同Luke一齊，佢係個冇返part time，問爸媽攞零用錢既大學生。竟然有人揶揄我男朋友請唔起我去邊邊度

我要去邊我識自己比錢去，其他人眼中“男友應做的事”唔可以apply落我身上

仲有好多其他人眼中“男友應做的事”佢都冇做/我都唔洗佢做。因為好多“應該做既事”只係“習俗”，太多人都不求什解，麻木跟從

就好似“送女朋友返屋企”，其實係為乜？我一直都一個人返屋企，唔會拍左拖而令回家既路危險左。佢來來回回成兩粒鐘，唔通要虛耗時間先代表到愛？

唔係話“送女朋友返屋企”係一件多餘既事，係視乎返每個人既需要。我地成日做好多自己根本冇需要既野

心盲衰過眼盲

因心盲其實可能對方根本唔差，只係用錯相處mode

每段戀愛都係獨一無二，唔需要reference,要了解自己需要先可以舒服拍拖。

好人好事土耳其

去土耳其旅行已經是1年3個月前的事了
這個地方已經打敗巴黎,成為"我最想翻啅的地方"
太好玩了!

我們途中遇上的人令我對這個地方的好感度直線上升

土耳其人是非常nice的

他們不太懂說英文,
所以我就用身體語言,說地方名,印有地址/上google translate抄下來的字條跟他們溝通

問路時,指條路給我們都不夠,還會帶我們過去,有時會幫我們截車
男士們對女士也不錯,因為帶路時/下車unload時都很樂意幫我拉喼

Izmir
初到達酒店樓下時
有位穿著西裝骨骨制服
幾靚仔的男士向我們打招呼,叫我們" my fd"
我們禮貌地回應
他說想邀請我們去喝東西
因為他的樣子太"附近酒店/食肆的staff,伏feel"
所以我們拒絕了
之後我們每次出門/回來都見到他
他又次次都"my fd",又次次都邀請我們
所以臨走前還是到了他推介的餐廳

然後發覺真的是"his fd"的餐廳
他不是那兒的staff
(但他每天都西裝制服,真的不知道他是哪兒的staff)

臨走到車站
發現那是車站員工的制服
那他究竟是不是蛇王?
他竟然可以天天在我們樓下"my fd"

Pamukkale
遇上一個像是旅行社staff的土耳其男士
他向我們sell了幾野
開頭禮貌地示意拒絕
之後問我們哪裡來
然後他說他有個朋友說chinese的
叫我們進去坐
無啦啦"進去坐"會是伏嗎?
原來有個台灣女士在哪兒工作
她是嫁過來的過埠新娘
她在旅行社工作,問了我們行程之後還幫我們plan好了在Cappadocia的行程
隔天還著人開車到我們的酒店再送我們往Antalya的車站


Antalya
我們到一個小市集hea
經過橙汁店,老闆不斷叫我們"come"
我們不想買橙汁,開頭"不come"
最後他們示意"唔買都過來睇下,我地影張相"
我們就走進人家榨汁的位置,摸著人家的榨汁機合照

在小餐館吃kebab時
醒起我們帶來的感冒藥快吃完了
再不補給真的會死
用英文問老闆藥房在哪兒
老闆不懂英文,示意另一個食客幫我們
原來那位食客是小學英文老師
但她的英文真的"非常小學"
最後get到了是買藥
老闆抄了我那盒"樂信感冒靈"的英文名字
就叫他的伙計幫我們去買
其實我們只是問路
想不到他這麼熱心
不過希望藥房老闆get到我們是"買感冒藥"而不是"樂信感冒靈"
不久伙計回來說買不到
沒有"樂信感冒靈"是意料之內吧
最後我們再示意他帶我們去藥房

到了藥房
我醒起前一晚我用極差的wifi google translate了一些病徵的土耳其文
我遞了那張紙給藥房老闆,再加上我的演技
示意要買感冒藥
然後他跟我說英文=.=

遊船河時,因為播著歌的關係,一群土耳其年輕人突然圍圈跳舞
我們本來拿著相機影他們
誰知可能我們太生面口,他們邀請了我們一起跳
基本上是一直在圍圈跳
跳到落船(完全沒有看過風景:p)
然後他們其中一個少年用極流的英文邀請我們have a walk

就這樣walk了一天

Istanbul
在街上有位男士向我們搭訕
因為我們在Istanbul被人騙過
所以開頭沒有理他
之後Luke說"好似ok"
然後就跟他說話了
他說他去過香港很多次
他是開地毯店的
邀請我們到他的地毯店坐
又邀請?佢地真係好鍾意邀請人
他的地毯店專賣貴野
他還有很多0靚
又幫人book貴價歐洲酒店
堅係有錢佬
他請我們吃他家鄉帶回來的特產apricot
share了在香港喜歡到的地方(都是有錢人去的地方)
又給我們看他去菲律賓小島玩的相片
又說要我們教他講粗口
要最粗果隻,否則沒有男子氣概
我們寫了"diu nei lomo"
但教就教了"屌你老母臭化閪"
而他亦教了我們土耳其文"fuck your mother"

最後送了兩個他們公司出的月曆給我們


回到香港
跟大伙朋友開心share
我提起土耳其人很nice很helpful
她們問:你不怕他們是壞人嗎?"
如果在香港/大陸/法國/意大利
我會答你:驚呀!

其實我們成個trip都給人騙過一兩次,total蝕了大約舊幾水
不過凡事都看上文下理
整個旅程,你會察覺土耳其人真的不壞真心helpful
所以"經常落疊"

我要用地毯老闆的一席話作總結:
土耳其唔係好有錢,但我地互相幫助,生活得好開心

面部的抽油煙機

人地叫果d喺屋企湊仔煮飯，冇時間保養，外表走樣嘅女人做“黃面婆”其實好貼切，因為成日煮餸，吸得多油煙，塊面真係會好黃，唔信就睇下抽油煙機集油果個兜

所以本身易出油嘅人，面黃黃真係好合乎邏輯。

我用左離子機9個月，差唔多日日導出，雖然暗瘡黑頭照舊冇咩改善，但面色明顯冇咁黃！

朋友說，岩岩用果兩個星期，舊棉會好黑，之後只係微黃。

但我頭半年舊棉都係keep住黑到癲，近呢3個月先變微黃

而且我可以證明化妝真係好block毛孔，因為我唔化妝，舊棉係好淡好淡黃，一化果日就變灰黃。

無論化唔化妝，我每日都會用卸妝油潔面再用洗面gel洗面，所以兩個case入面“卸得唔乾脆”呢個假設可以排除

總結：導出尤如抽油煙機，吸晒面油積落嘅黃，我建議多油嘅人一定要日日用

不伏之戀人

同事問應該點樣同鍾意既人打開話題，相處。

我經驗唔多，所以都扮唔到專家。

我比較buy由普通fd開始做起，但出到來做野，好難“普通fd”，一來就“佢好似幾正喎，上先”。

如果約會，盡量多d唔同類型，唔好下下食飯飲野睇戲，仲要下下貴野。唔同活動先睇得清對方份人丫麻。

話題方面，如果岩傾，理論上唔洗搵野講，不過如果真係要搵，最安全係講劇情，韓劇又好，tvb又好，電影都好啦，覆蓋率應該係最高。我自己既次選係新聞，高登之類既膠post

相處方面，男人真係唔洗下下請客，因為係深淵。整慣晒，女仔當左你係兵，又或者男仔覺得錢既主導權落左佢度，佢會不其然dominate左段關係，即係“你食我既住我既，梗係要聽我講”

遷就同包容係唔同既。遷就係單向，包容係雙向。如果要夾硬配合對方既喜好，終有一日會爆，因為真係好支力，唔想再扮“我都鍾意”，“我冇所謂”

同埋我最憎就係“食唔食得住佢”呢個態度，一定要一方強d,一方被欺壓架咩？最憎受委屈，我亦唔想對方受委屈。嗌交嗌贏都冇咩意思，因為其中一方唔順氣就損害關係

其實同做fd差唔多。總之大家舒服，唔好迫大家，唔洗扮斯文，唔洗扮闊佬

順帶一提，我bf帶出左個新論點：斯文係行為，唔係性格。冇女仔係斯文，全部都係為左社交而扮，返到屋企又另一個樣。

再順帶一提，有位auntie講過：斯文？拍拖果時咪斯文lor。結左婚？哼（冷笑）

兩條友不謀而合

“條女好斯文”真係唔係point來的，盲L可否醒醒？

濕髮唔係辦法

朝早返工一定見過d女人岩岩洗完頭冇吹。一直唔明，既然夠薑早d起身洗頭，都唔差在吹埋佢啦，頭濕濕pat住塊面咁出街真係好樣衰。
第一係衛生問題，濕立立好惹塵的
第二，自然乾既頭髮會好蓬鬆，飛飛下，好核突
同埋唔知點解，通常咁做既女人都係黑頭髮同埋唔係好靚，成個觀感好差。
可唔可以戒左呢個惡習呀？

轉用有機洗頭水了

朋友介紹用的有機洗頭水，原來袁彌明都有介紹。
喺美國買係唔貴，但來到香港，專門店，袁，log on買都貴。最平係去水貨店買。
用左一次，真係同超市買到果d唔同。
我個頭冇打結，髮質軟左，所以冇飛起。
頭髮摸上去輕巧左，人地話普通果d有層臘我之前都唔係幾信，而家有比較，我信喇。
希望改善到我頭油同頭臭既問題：p