有冇發覺大部份婚宴，結婚相既宣傳都focus喺新娘度？
咁新郎呢？佢都有份架喎！
最care餐酒搞成點，影相要點著，食咩菜之類既瑣事都係女人，一係新娘，一係雙方阿媽
我諗緊，其實有冇男人憧憬婚禮？應該真係唔多
再諗遠d,其實有冇男人憧憬婚姻？應該都唔多
如果結婚冇得扮靚，變左...例如齋梳兩下頭，斟茶比長輩。又冇法律效用，仲會唔會有咁多女人嚮往結婚？
應該都係拍拖算。結論係：如果男人可以喺婚禮果日變靚仔，佢地可能好期待結！
講返婚姻，結完都可以分，對段感情來講都係冇保障。除非現實d睇，得唔到個人，都分佢身家洩憤。咁如果對方係窮，係咪結都慳返？
最實用就係有起事上來（通常唔係病，傷就係死），可以簽個名為佢作主...this is so sad
對於我來講，結婚有別於拍拖既只係pre-wedding photo。唔可以兒戲隨便影，就好似大學畢業相咁，你畢業果時先會影，理論上唔expect自己有第二次。
至於你問我信唔信婚姻呢種product,我心靈上覺得係多餘，所以可以當我唔信。不過唔抗拒婚姻，只係抗拒婚宴
我鄧成為婚禮配襯既新郎慘，希望media可以focus埋佢地，影住佢地笑，話佢地結婚當日係世上最靚仔既男人。
