見家長

綜合我同朋友的感想
其實唔係個個女仔都咁恨見家長

男方表示：我帶得你見我屋企人，係想表示我對我哋段關係係認真，我係想同你一直落去唔係玩玩吓！

明嘅明嘅
但其實雙方都好認真同最後WORK唔WORK OUT係兩回事
都未知大家相處成點就帶人打大佬其實好嚇人！

見得第一次就要見第二次第三次
男方父母生日＋各樣節慶（除咗春秋二祭），要食飯加送禮應該走唔甩
講白尐即係對老細！

散咗果時回想返仲ON9
曾經方過咁多時間、金錢落個已經同自己唔相干嘅人嘅父母身上

一生人應該只見一個人嘅家長
留返結婚先講！

LATER

身邊開始有同學結婚

偶爾都會比朋友問打算幾時結婚

幾時？

有錢買樓（正確來講係有一個屬於自己嘅地方）咪結LOR

其實我係恐懼婚姻嘅

因為我不擅長飾演乖乖女，所以好怕對長輩

最近LUKE的朋友開始供樓

我聽到都驚

因為結婚當然要有自己嘅地方－＞梗係要有個細路先熱鬧啦－＞梗係比最好嘅教育佢啦－＞有小朋友梗係有自己嘅車方便啦－＞冇車位架車泊邊呀？

所有都係錢錢錢錢

你可以話努力尐賺錢咪得LOR

鬼唔知阿媽係女人？

我係李嘉誠我唔洗煩添!

小學、中學、大學、出來做嘢

如果有樣嘢我好想買，有件事我需要錢去完成

我要開始節衣縮食去儲夠果筆錢

之後我用錢去圓咗件事，鬆動一排，又開始LOOP，無限LOOP

我冇自虐傾向

我唔會自願向壓力自投羅網

如果我可以揀，我想選擇冇壓力果方

結婚生仔都係遲尐先講！

第一天

離開機場出到Melbourne市區的第一個感覺就是:陣除同巴黎好似！
幾好聞的味

每個城市都有它獨特的味道
廣州是臭的
曼谷時臭時香，看地區
不知道香港臭不臭

未夠鐘check in
焗住帶著支力到爆的身軀到市中心迤
Melbourne的市中心就像香港的油尖旺
竟然還有日出茶太、貢茶及豪大大雞扒！
聽到講廣東話的人也不少

人家說hungry jack最抵食，其實M記仲抵
竟然有同港幣差不多價的21蚊餐！
但發現不是所有M記都有21蚊餐
為什麼會"發現"到是因為去了第二間沒21蚊餐的M記才知道有這麼一個trick(相隔幾條街，但忘記了21蚊M記在哪裡)
最後還是吃了個值HKD40的芝士漢堡餐=_=

Melbourne的物價好貴！
8成東西貴過香港1倍
但有些香港不便宜的，這兒卻很平，例如︰加工肉類、牛奶
woolworth是Melborne的百佳，我們買了很多它出品的"特惠牌"product

我們的hostel隔涉到癲
很多住客(都是洋人)本身已經混熟了
令身為亞洲人的我們顯得非常odd
成為luke口中"好似住hall時，住尾房的mainland毒撚"(我們真的是住尾房=_=)

hostel的設施迤到爆
迤過我在巴黎的宿舍
火都不熱，煮不到熱食
看來這個week都是食沙律及麵包了.....

Melbourne已踏入秋天，約13、14度
但因為陽光普照，會有很暖的錯覺，其實風是很涼的！

明天是public holiday
沒地方開門，名正言順去觀光
yeah！

PS︰已經病了！

請自行鬆綁

最近fb充斥住22、24、27歲既文
Overall都係講到左呢個年紀既心態
其次就係呢個年紀遇到既困難位
再者係如何處理呢d困難

They are bullshit
遇到既困難....
困困困，困咩難
本來無一物
個個限住晒自己到幾歲要點，而家achieve唔到，唔上唔落，所以就覺得好困難
又冇人迫你，做咩自己要咁睇唔開
又唔係人生鬥快比賽，最快達到目標有獎
慢咪慢，冇咪冇，而家唔上唔落又唔係成世都唔上唔落
人係要沉澱下，迷惘下，跌跌撞撞先會化，咁先build up到自己既能耐
執迷喺時間上而唔花時間檢討當下既自己
一味喺度追進度，就算比你追到，你得到既野都係好脆弱,捉唔穩

I dun gv a fuck我幾歲，我覺得係時候做就做，未係時候就逼唔來。

我主宰我自己既步伐、時間，唔係時間，大眾期望主宰我

你要搵男人就搵男人，趕結婚就結婚，唔玩唔食儲錢買樓就買樓，所有野都係自己選擇，做要做得心甘情願，回望時要無怨無恨。唔好成日喺度唉聲嘆氣，自己綁自己

得一世人，我只係想過得開開心心，認認真真去到最盡玩過夠。你想搵大眾價值綁住我，你慳d！

好pure好true

:我認為好多人都誤會左咩係“好pure好true”

經過歷練，見盡世間醜惡，但仍然保持純潔既心，先為之真正好pure好true

果d咩未拍過拖，仲係處，唔講粗口之類...極其量只係未見過世面，未開過眼界，腦部未開發，即係好似細路女乜都唔識咁。我稱佢為無知

成日都聽（上大學都見唔少）：佢岩岩升U果時連粗口都唔講，聽到黃色笑話都會面紅，而家成個人變晒啦，學壞晒

大學又ocamp又上莊又住hall，飲酒通頂係等閒事，仲有初戀無限touch,又同唔同人分組做project,又人多口雜，又是非，又明爭暗鬥...

其實有幾壞？粗口咸野你自己唔講架？咁你自己係咪壞人？

一個sem可以“變”左第個人。與其話係變，不如話接觸個現實世界多左，個人經歷多左，心態more adapted to the reality

嚴格來講，只係發掘左自己真正一面，發現自己做人可以去到咁盡。

到左出來做野，個世界更現實，要生存，即使唔害人，都要保護自己，保護自己即係要防人，防人唔多唔少都有d壞心眼。

如果了解現實，就唔會對一個人變得“醜惡”而太驚訝，只係民智既正常發展。

如果想keep住女友無知，請你承擔晒佢人生所有憂慮，免卻佢接觸殘酷而現實既世界，留佢喺溫室，就好似爸爸保護阿女咁。

除非你有咁大能奈，否則要求一個出社會做事既女仔無知,等同要佢對險惡冇免疫力一樣咁殘忍。萬一有咩“事”發生喺佢身上，果下衝擊，果下twist到佢癲既機會好大。

如果你真心追求好pure好true既女仔，你應搵個有過去但依然簡單既女仔。因為喺你面前既佢，係一個經歷過險惡而選擇保持赤子之心既人。而非果d因未見識過世界，無知而被誤會成pure,當遇見現實而蛻變成“壞”既女人。

當然，你可以話你對pure, true既定義其實只係處女，兩性關係經驗少，或者係因為佢個腦比較empty,容易d比你控制，更加顯得你man,咁我無野講。只係覺得你太侮辱左pure同true呢兩個字，因為佢地其實好deep。

我愛廣東話！

普教中議題開始喺社會spread

廣東話係我既最愛
誓死保衛廣東話

好耐之前比人問擇偶條件係咩
我記得我係答“講廣東話”
講廣東話先100%表達到自己
“柒頭，戇鳩，仆街”呢種情感表達係翻譯唔到做其他語言

就算第時咁不幸我個仔要接受“普教中”呢個垃圾教育
我都要用我既方法令佢speak excellent Cantonese!

語言反映情感
要表達得漂漂亮亮就從藝術入手

聽廣東歌，睇香港電影！
香港流行文化為廣東話奠定左超穩固既基礎
蠻夷想用垃圾教育摧毀？
冇咁易！

問過張學友，beyond, 周星馳，黃子華先！

無歎生活

我覺得好多人都唔識生活
唔好搞錯
我指既生活唔係歎

“博命賺錢買樓唔休息”呢d old case唔講
比起以上既人
我識更多既人係又賺到錢又識歎

賺得多既朋友，唔係高學歷果群
反而係早出身or做sales或技師之類既多
Sales一個月可以去到5萬

相反，我呢個大學畢業坐普通office對電腦既人
就來做左3年野都係萬鬆d
我梗係知咁樣落去唔係辦法
之後條路係點已經諗好
不過今日要探討既唔係呢樣

其實，如果我肯做sales既話，我都可以5萬一個月
我學歷高，組織過後表達能力高，對女人野又有sense
Sell化妝品，珠寶之類一定好掂

講賺錢，我實在錯過太多

講了解自己人生，我也太遲開竅

受中國傳統讀書就出人頭地既腐敗教育影響
讀書時我真係讀書
冇諗過自己想要乜，更加唔好講做好準備

近年出來社會受左幾下苦先開始了解自己

我想做自己想做既野，偏偏寫野又好窮
寫野既優點係有空間比我諗下野
我可以思考下人生，社會，諗無聊野，無限制咁諗野
對於“事業”呢個議題，寫野既人仲好冇包袱添！

當然想用時間換錢，不過更加想用時間去吸收新事物，接受新衝擊
對於“尋找自己”呢味野，我太遲發育，而家先係青春期

我仲想試新野，唔想咁快定落來，想比自己轉彎既餘地

我發覺好多人都急住定落來，急於享受
Step by step完成一個又一個dummy人生
趕時間地向既定一個又一個 既check point前進
Skip晒尋找自己既發育期

由我行到上聖母百花大教堂圓頂&佛羅倫斯觀光山頂
條氣喘到乜咁，但好快舒服返果“兩刻”
我意識到自己唔急住歎

趁住後生，我可以用肉體既疲憊換眼界，換經驗，換膽
巴士團，豪華團咪留比auntie uncle,留比四十年後既我lor

我後生，仲可能bear到興趣大，銀紙少既工
安享晚年既工，遲d入行都仲得

後生（但遲左少少）仲有時間思考再實行自己想要既生活方式
係，老左都可以覺悟人生，但未必夠時間實行/改變

當年既懵炳糊塗搞到遲起步。但遲起好過行到一半行錯
中途覺得唔對路仲衰外

我要向我僅餘既青春做個告別致敬
向果個不後悔既中年自己負責

我本人

一直以來我都唔係好識表達自己

我係copywriter,我自己好鍾意寫野，特別係“實用文”
即係玩限字數既文字廣告，公司背景之類
係我強項

但係我諗來諗去都諗唔到我個ig intro應該寫乜

我分人好實際，寫唔出扭屎忽花好有詩意既“自介”

我玩ig係當瞬間看地球，睇下生活喺某個地方既人係點
所以我最留意人地來自邊度
要得到呢個資訊，唯有係睇人intro
相對而言，我想人知我係來自香港
但如果就咁一句“Hong Kong”
冇頭冇尾
所以我就寫左句好過冇寫既“my life in Hong Kong”
實用層面來講，目標已經達到

但本小姐分人都有點兒態度
我想表達下
但諗唔到點寫
對於自命最叻係寫野既自己係一大打擊

幸好，經過一番同朋友的對話
叮一聲諗到

我而家好滿意ig個intro
That's me!

The style is vy clean, natural
The meaning summarized myself

所以話創作呢家野
非常需要生活經驗，與人溝通&交流
最後&最緊要一環係個人沉澱

突破新年送禮盲點

其實香港人既一窩蜂性格好愚昧
就新年送禮為例，排晒長龍買金莎，曲奇

當然廣告真係好洗腦好成功
由我有記憶開始，藍罐曲奇已經賣到好行
新年一定收到n罐

其實d禮都係轉贈轉贈再轉贈
即係三姑送左盒用紅紙包好，但一睇就知係藍罐曲奇比我阿媽
阿媽當然唔會折，會將盒野原封不動咁送比六婆
唔止我阿媽，係好多個家庭都係咁做

不過如果你有實地考察過，你睇見d人買到咁hyper
再睇下你屋企轉贈唔晒既禮，你就知道有好多禮係“over送ed”
必然有幾盒你係硬食冇得避

問心，有幾多個人真係想收金莎，曲奇？
其實送既人都唔想收
點解唔將心比己？或者比少少誠意送禮？
送米送油都有意思過盒糖

香港人實在太僵化，形式化
為做而做，有冇比心機諗下拜年為乜？
係交下功課定想大家開心？

我第一次幫阿媽買油，三支刀口麥原來$5X!
平過7頭皮曲奇幾廿蚊！
肯定既係，阿媽收到油會開心過7頭皮曲奇

當然，我知道唔係有幾多個人同我一樣突破盲點
市民突破唔到唔緊要
刀口麥，獅球口麥，金源米業自己好突破啦！
出個禮盒裝，又係一大條財路！
營商角度，冇人嫌錢多
購買角度，最緊要買得岩
送禮角度就係唔浪費
三贏

希望多餘既餅糖既命運唔係堆填區，而係比d有需要/想食既人食左

大嘥鬼除左用來宣傳“唔好over order” 仲要宣傳唔好“over送”

革命家

忠於自己是一件很難的事

第一難：面對自己
要不理別人的流言蜚語，不受外界影響，真心聆聽自己內心的需要。

第二難：面對打壓
別人會強迫你跟從他的想法/理念，如果你反抗，就會被打壓。不被外界動搖自己相信的，需要勇氣和信念

第三難：實踐信念
為了向自己交代及向反對者證明自己走對方向，一定要把理念轉化成現實

聆聽自己是最重要，因為想通那一刻，你的世界從此不一樣了。

真的要向那些今日覺得理所當然，以前卻是大逆不道，推行“革命”的人致敬

我們每人都可以是自己的革命家，改變今日窘態的人。