狗仔的爸媽

和luke說起

如果我養狗仔

我就係狗仔"阿媽"

好怪....

我連仔都未生過就變左"阿媽"


luke說:沒有強制性要稱呼自己做狗仔的爸或媽

就算他有狗

他只會自稱係"主人"

我說:咁咪唔講得"過黎媽咪度"?"過黎主人度"咁怪

他說:冇人要你一定要咁講,就咁"come come"已經得


其實主人自稱甚麼根本不重要

我比較concern主人身邊的人應該怎樣自稱

如果我有隻狗

我係佢阿媽

咁我阿爸阿媽係狗仔既邊個?

根據返個邏輯,係咪要自稱公公婆婆?

如果隻狗係我阿媽養

我阿媽自稱係狗仔阿媽

咁我係狗仔既邊個?

我要同人講佢係我細佬?


最棘手既應該係一d男女關係

我拿我自己舉例

如果我係狗仔阿媽

luke自然變左狗仔阿爸

咁如果我同luke散左

佢理論上唔再係狗仔阿爸

而當我換過另外一個男朋友

佢就係時任狗仔阿爸

咁如果我"一家三口"在街上遇到luke

屆時,luke又係狗仔既邊個?

由阿爸變哥哥?


從狗仔既角色出發

成件事好不倫

顯得而家既人好隨便


所以

我諗我都係自稱做"主人"好d