囧

胡杏兒拿視后
是時間所致

不是時間磨練好她的演技
而是用時間排隊,終於輪到佢

她依然很囧

發現她的接班人也是姓胡叫定欣

萬凰之凰
二人鬥囧
怎麼了??

慘情戲﹑哭戲是不是一定要囧著樣才能表達到?

西方人應該不明白什麼是囧
因為我在他們的戲劇中從來沒看過

不過北韓人一定懂

囧著樣地演戲
囧得辛苦效果又差
做觀眾的也不好受
何必呢

愛情故事

又是TWILIGHT上畫的時間
愛情故事永遠吸引年輕情侶﹑女學生﹑懷春少女的賞識

無論是青春漫畫﹑偶像劇還是各式各樣的愛情電影
相信每個女仔都有沉迷過的時候

我也曾是愛情故事的狂迷
邊看邊尖叫/邊哭
但隨著重複性的尖叫位及哭位
我開始厭倦以愛情為FOCUS的小說電影
年紀愈長愈覺得這東西是在荼毒我們

靚仔有錢高大一往情深浪漫........
每個女生心目中的理想愛情都倒了模

當我拍了拖
更覺得愛情故事=科幻故事

我覺得平常人的戀愛是非常平凡而真實的
我們都不要太自我中心
個個以為自己是電影中的女主角
也要求男友要像電影中的男主角配合自己
讓他幫忙完成自己心目中的完美戲碼

無論是偶像劇式﹑葉念琛式還是史詩式
無必要從中追求模範和共鳴
因為我們不是彊屍,我們沒有cancer,香港沒戰亂,我們只是平凡人
戀愛就是自己眼前的這回事

愛情根本無需研究無需概念
到它來的時候
用最屬於自己的方法表現就好了

ps:到它走的時候
也用最屬於自己的方法表現
盡情發洩吧!
不過唔好犯法啊!!

欣賞還欣賞 事實還事實

一個人做事認真,有heart,堅持

和他有沒有天份,能力是兩碼子的事


欣賞還欣賞

事實還事實

他們之間沒有衝突


如果因為態度被欣賞而得到同情分

那個end result因此而得到一個讚美

是一個shame!


街外人不會知道你有沒有heart

只會對你做的事評頭品足

他們的反應最真實


付出和成果不是一場等價交易

但因為付出很多

人們就很容易自滿

也因此瞎了眼


看清楚自己

對自己的所作所為mean一點

是一種自我修行

易學難精

身處數碼年代

太多事都易學難精


因為易學

所以難精


有部單反

影張自己覺得滿意的相片

就覺得自己可以做攝影師


學過用premiere有部mac book

識剪下片

作過下故仔

在youtube上播過

有幾個人like

就覺得自己可以做導演,剪接師,編劇


懂彈結他

填幾句押韻的段落

就說自己是創作人


不限於藝術範疇

還有太多太多


我們看得自己如此有天分

只因資訊,科技太發達

所有事都略知一二

事情容易achieve

所以每個人都沉醉在自己的成功感中


其實事情都是這麼容易就辦好嗎?

一切會不會太順利?


janice說要將自己做的事當成情敵,殺父仇人做的事

如果這樣你也無話可說

那事情便過到自己


不要把人當笨蛋

要過到自己

才拿去過人

惡人

昨晚在又一城food court等嗌冧把期間

看見隔離桌的阿姐一人霸四個位


她一個人很有霸氣地坐著

然後一個袋dut落隔離位

邏輯上

四個人的話應該不會只得她一個人在霸位

她那副戰鬥格告訴我她生人霸死地


她還是一隻戰鬥格的鷹

看見一張較清靜的四人桌空置了

像看到獵物一樣

拿起她dut在椅上的袋

一個飛身撲向那空位


誰知她衝到一半

被別人捷足先登

說時遲那時快

又有兩個阿姐箭步撲向她剛放棄了的四人位

鷹姐回頭一看嚇見自己兩頭唔到岸

立刻來個u turn飛撲

想要搶回那原有的位置


結果是後來的共中一個阿姐個手袋贏一個馬鼻

及時dut在桌子上

鷹姐慢了一步

但她竟然說:張台我架!

未至於聲大大

但來勢十分兇惡


雙方都不肯走

僵持若一分鐘

期間鷹姐保持著如見殺父仇人的眼神


看得出遲來姐們是十分不爽

不過大概她們不想為張台嗌交

最後放棄閃人


勝利了的鷹姐又繼續霸氣地坐著

不過今次將手袋dut到對面


不久有位西裝阿哥看見鷹姐隔離有兩個空位

又dut了個手提袋到椅子上


鷹姐沒有阻止

直到阿哥開口問有沒有人

鷹姐說:三個人

阿哥方失望離開


我把事發經過告訴回來的luke

問他如果是遲來姐會不會和鷹姐爭位

他說:不會

他不答我都知他不會

因為更加severe的情況也試過

他好男才不與八婆鬥


我自己會不會跟鷹姐死過?

我怕比人擺上youtube呀!

不過撇除呢個情況

我想我會和她死過

問題不是在於一張台

而是是非黑白

你惡我就驚你?

惡人大晒呀?


你夠惡

我夠硬

睇下邊個死


ps:最後有個女仔走來告訴鷹姐"要等四十分鐘"

然後二人兩手fing fing沒趣離開

都話左唔會係四個人

佢話三個人果時我都唔係好信

xmas is about...

今日又一城請了湯唯主持聖誕樹亮燈儀式


節目未開始

各層樓的玻璃扶手都擠滿了人

人人手拿dc,單反,手機準備影相

好像有備而戰

絕對不是行過湊熱鬧的模樣


我以為是什麼明星大駕光臨

看見沒人舉牌才頗確定請的不是大明星


為了一睹是誰

我故意坐電梯看清楚

此時反方法的電梯有個鬼佬大聲說了句"xmas is about spirit, not about money"

很型

很想回他一句

但時間太短

我的轉數太慢英文又差


我看著湯唯身旁的聖誕老人

想起鬼佬的說話

開始疑惑耶穌同聖誕老人究竟有咩關係


商人太聰明

隨時找機會搵我地錢

我們也太蠢

什麼聖誕情人節

自動跳進略水的圈套


我花了兩分鐘才想好那句英文的回應

"xmas is about spirit, and hong kong people's spirit is about money"


但對我唻講

"xmas is about holidays :P"

末日

原來香港有成90萬65歲以上既老人

即係差唔多7個入面有一個係老人家

人口老化既比例都幾高


人口老化

local出生率低

唔知邊個高官話要o係未來引入內地專才來balance返香港勞動人口


講起大陸人....

真係怕怕

蝗禍

10年後隨街痾尿可能已經係一件好普遍唔會再有人po上網既事

大陸人既劣根性可能要一千幾百年先搣得甩


佢地係香港第時既working force??

我想死

果個究竟係邊個官??

佢以為自己好有遠見?

問題咁易解決?

定係阻止唔到大陸人衝唻香港生仔而作出一個漂亮藉口?


出生率低係因為經濟問題

冇錢養又點生?


貧富懸殊

政府無能


未來既香港

冇眼睇


o係世界末日前

可能已經係香港既末日

企硬 hea嫁衰硬

怕成「剩女」 三成港女草草嫁

(綜合報道)(星島日報報道)過了適婚年齡仍嫁幸無期，是否就等如「剩女」？一項調查顯示，三成受訪女性表示結婚是「不想錯過適婚年齡」，而逾六成半受訪者心目中理想對象與現實伴侶有距離。婦女事務委員會主席高靜芝認為，結婚未必是女性的終點，可選擇做「白金盛女」。

　　港台委託樹仁大學進行「香港女性感情生活及伴侶關係」進行問卷調查，成功訪問五百零二名年齡介乎十八至四十歲的香港女性，對於結婚理由，受訪者可選擇多項原因，近九成受訪者認為「希望跟深愛的人組織家庭」；四成人「想生兒育女」；有三成人表示結婚是「不想錯過適婚年齡」；亦有一成人是為了滿足父母意願及達到置業需要等「外在因素」。

　　負責是次調查的樹仁大學新聞與傳播學系講師尹國輝指，女性決定結婚需要顧及社會壓力，如被標籤為「剩女」，而家庭和經濟因素都是一個考慮。

　　六成半對象不如理想

　　調查又發現，超過六成半受訪者心目中理想對象與現實伴侶有距離，差異最大是性格和價值觀，其次是外表和事業。

　　婦女事務委員會主席高靜芝指，結婚不一定是女性的終點，有些女性會選擇當「白金盛女」（「盛」為「豐盛」的意思），就如男性當「鑽石黃老五」一樣，認為單身女性沒有伴侶不代表不快樂。

在"剩女"一詞還沒普及前
這些人叫"攝灶罅"或"賣淨蔗"
比起這兩個令人難堪的形容詞
叫你"剩女"已經算好有口德


相信這個"嫁左佢算"的現象不是今時今日才發生


我真的不懂
頭髮剪得過短
過一段時間會變長
到時再剪過個適合自己的髮型
用另一個髮型師就好了


但現在是嫁老公
正常不會expect"唔好再嫁過"


我知道有為拍拖而拍拖的人
但原來還有人為結婚而結婚


其實為結婚而結婚是絕對沒問題的
只要你的明白退而求其次的選擇當然是和想像中有出入
但你的目標夠清晰夠堅定就好
"想生兒育女"又好"不想錯過適婚年齡"又好"做孝順女"又好"為層樓"都好
當時你不是知道自己放棄了理想的愛情
從而用更實際的行動--結婚去達到愛情應該會得到的東西嗎?


最後發現得到一些婚姻的附屬品
卻缺了婚姻最基本的條件--愛
可悲也


遲嫁是take了risk
但可以convince自己可以嫁個最好


hea嫁是求安定不想博
但從這篇報導中
我看見了"後悔"兩個字


這樣嫁了
比當初因為深愛一個人而嫁比佢
最後分手收場更糟
因為起碼人家愛過
而自己睡覺時看著那個枕邊人
卻只recall起"唔理想"3個字


所謂思想成熟的成年人也不外如是
幾廿歲人都唔化


電視都有講
企硬 hea嫁衰硬

沒青春

轉涼了....

以前聽說女仔一去到25歲

皮膚/機能aging的感覺就會很強烈


我已親身見證了此話的真確性


所以說呢..........

保養比化妝更重要


化妝品

說到底都是底妝重要

什麼眼影胭脂

用個ookk的就夠


好想做mts..........

許願

當li告訴我她在santorini看見流星時

我頓時憶起我也在santorini看過流星

怎樣連這麼珍貴的記憶也會忘掉?


記得是同行的友人發現流星

然後我就抬頭看

那兒的天空很bling

漫天星宿

留心的話

就會看到流星

不只一顆

流星會不斷滑過天空


我記得我趕緊把願望在心中默念3次

然後當我想起這件往事的時候

願望已經實現了


流星真的很靈驗?

還是只要一個人不太貪心

許些不切實際無法達成的願望

最終要發生的就會發生?



其實流星根本不是什麼罕見的東西

是一個發生頻率極高的天文現象

只是香港的天太灰

和我們沒花心思去看天



在這個危急關頭

一瞬即逝的時候

我們才會發現什麼是對自己最重要的

幸好我沒許錯願



不過還是很想去多一次santorini

再看流星

再許願

禍港之根

2011年09月22日 16:49

16%受訪成年港女稱沒有物業寧不結婚


花旗昨日發表的置業調查顯示，16%受訪成年港女稱沒有物業寧不結婚；18%港女更稱，若對方無樓，連「拍拖」也不會考慮。可見男人無樓，連「拖手」的資格都沒有，更別想「見未來外母」 

該行訪問1,070名18歲以上本港居民，發現非常同意／同意「沒有物業傾向不結婚」，及「拍拖對象是否擁有物業是重要考慮條件」的受訪者比例分別為14%及13%，其中女性對上述議題更為關注，比率高達16%及18%，即每5.5個本港成年女性，即有一個會因男方沒有物業，連「拍拖」的機會都不會給予對方！港男要找個伴面臨極嚴峻考驗。 

因此，調查報告顯示，希望政府幫助置業的受訪者，由去年的42%增至今年的48%，而認為政府毋須幫助市民置業的受訪者比例，則下跌10個百分點至24%，其中18至34歲的受訪者當中，更高達57%希望政府可以「幫幫手」。 

港男有無樓「揸手」，確會影響到終身大事。去年10月運輸及房屋局局長鄭汝樺出席一個學生分享座談會時，有中大學生反映在港置業難，抱怨「女友話冇樓就唔嫁」。當時鄭汝樺反駁稱：「結婚係唔係一定要買樓。」其後有不少言論批評年輕人急於「上車」置業，或事事要政府幫忙。


雖然16%不算什麼big no.
但港女要求高導致嫁唔出怨氣沖天的case的確比以前多出很多
我沒有做過正式統計
但在forum,電視特輯,雜誌專題不時有類似的聲音發出
港女嫌三嫌四諸多挑剔的現象從中可見一斑


沒樓就沒資格拍拖
表面證供是連人家的性格長短處也不看
打量了人家的實際資產就直接out人
其實品格及誠信是一個人無形的資產
而且比實實在在的金錢更加重要
因為一個人今日富貴難保他日後不會破產
可是一個人的品性奠定了一個人的人生及態度
錢最實際這句話真的很膚淺
一個人最大的財產應該是他的品格及內涵


另外現在樓價高企
不是上車的最佳時候
如果一個男人在這風頭火勢還跳進這個火坑
你確定要和用這種方式投資的人交往?
你確定你未來的日子會變得愈來愈富貴?


要能共富貴
首先要懂得共患難
即使不是一同捱苦
至少也要一同經歷過什麼吧?
要有好的收穫先要懂得付出
如果你真心想和他走未來的路
一起供樓很有問題嗎?
兩個人應該不分彼此
要現兜兜有層樓才有拍拖的入場劵
小姐,你邊位?
只有想坐享其成,不付出的港女才會這樣妙想天開


對呀!
時代變了
女性可以自主
女強人多的是
區區"一層樓"的要求也MEET UP不到
滾遠點吧!老娘不如靠自己!


好吧女的可以不嫁
男的不代表不娶
北方佳麗樣靚身材正說話陰聲細氣的多的是
港男在大陸可是很有market的
結果娶了強國出產的女子
然後來香港產子衝擊本港婦產科的capacity
生了個仔他想尿尿就教他隨便一處就可解決了
這些接受強國嚴厲訓練的小孩就是香港未來的主人翁了


事情可不是這樣就結束
老夫少妻是中港婚姻的常見配搭
男人有market不愁選擇
可以挑當然是挑個嫩的
女的可以做個香港人
忘年戀就忘年戀吧!
然後女的來到香港
1:適應不了香港急促的生活
鬱在家裡有心理病
2:過橋抽板原形畢露
背夫偷漢
3:跟這個老男人溝通不了
沉迷賭博忽略家務
這3個situations最後都是殊途同歸
演變成家暴或是倫常慘案
最後的受害人又是我們的下一代
他們自小就有心理陰影
心理行為產生偏差
可能做出一些禍己害人的事


好恐怖
簡直是一個超級惡性循環


原來連鎖社會問題的根源就是這班沒遠見短視市繪的港女

海南雞飯

第3次吃西貢星的海南雞飯

記得這麼清楚的原因是它價值$43大元

對於一個窮等青年來說是十分奢侈的

其實做了這麼多年人

一共吃了6次海南雞飯

除了西貢星

分別是在瓊華neway/泰國人海南雞飯/越興園吃過

西貢星的最難忘

因為很大碟雞

其實海南雞飯整道菜

無論是雞/飯/醬都有其特色

汁

那個橙色的醬汁很magic

我的舌頭未至於靈敏到能辨別到它的成份

總之是酸酸甜甜帶點微辣

很開胃

至於黑色的那個醬油

同樣地

我吃不出它是什麼來

用"很稀的蠔油"去形容應該最貼切

不過看過網頁的介紹

海南雞飯的醬汁是變化多端

有些店提供4款醬汁

真想一試!

雞

要弄得有點兒油水

看上去有光澤

連皮放進口要感到嫩滑而不肥膩

如果雞太肥皮下脂肪太厚

會吃到一股脂肪的羶味

無論是即刻把雞塊吐出或是去皮吃

都是大煞風景不知所謂

如果雞太瘦

肌肉纖維太緊密

口感會很乾很行

一隻半肥瘦皮爽的雞是非常重要的

這時候我會想起小時候食雞唔食皮

實在是太唔識食!

最正宗是用海南島的文昌雞

究竟肉質味道是怎樣的?

有沒有人可以從海南島帶回來給我吃?

飯

和雞油一併煮

淡黃色閃令令的飯才是合格

用雞肉送雞飯

滿嘴盛載著雞的不同滋味

好簡單的同類配同類matching

mix出一道經典菜色

好偉大

西貢星的雞以價錢來說

做得不錯

可惜飯方面

好像是白飯來的

做不到雞撞雞的化學作用

泰國人海南雞飯

飯是混合了雞油

可是雞肉的油水有點不足

令到口感不夠嫩滑

越興園那個簡直是bullshit

無論上至雞/飯的質素

下至分量

一看到賣相便感到受騙

不過

我可是吃得出他用什麼做雞汁

那就是燒汁!

其實只是一個沒誠意的燒汁雞飯

我後悔沒有拍下那個糟透了令人唔開胃的賣相

苛索了我$50 + service charge

簡直是騙案

從今以後

除了牛扒

又多了一樣我要追吃及到處試的美食

不是糖水

cathy li好介紹

溏苑

上面是winnie點的oreo木糠布甸

下面是我點的紅豆+綠茶雪糕木糠布甸

cathy li和mei ting點了紅豆窩夫&芒芒船

今次只談木糠布甸

其實都不算是木糠

是oreo餅碎

好吃

但不算surprise

單看oreo的名字已經可以imagine到它的味道

不過又是少吃多滋味

吃了一半已經要狂飲水

至於我點的那個才最有話題

其實賣相已經相當不錯

不過和menu相比

那球綠茶雪糕有點兒太迷你

(係人都知menu既相厄人架啦=.=)

說來大鄉里

我沒吃過木糠布甸

不過單靠名字已經想像到是粉狀口感dry dry的東西

味道是餅乾味

其實木糠和中間那層cream狀的東西的比例是1:1

這個份量是make sense的

但我覺得木糠的口感太出太搶

中間那層東西的存在感很弱

可以的話

調整一下比例會更好

如果雪糕再大一點脆脆再多一點就perfect

雖然最終我還是因為dry得要命而且沒有食慾

所以這個甜點我只吃了一半

不過我還是推薦這道甜品和溏苑這家店

因為真的很有心思

不是那些司空見慣的西米露/綿綿冰/涼粉

是大大份價錢又抵

而且有很多不常見的花款的甜品店

最爆的是那兒有個10層厚的窩夫層層疊(個名係我自己改)

$160

超級有霸氣的外表

同成班fd食你一啖我一啖

好青春!

食夢貘

這幾個月遇上很多人生的抉擇

覺悟出"理想係唔值錢"的道理


值錢既又唔鍾意做

想做既野又唔值錢又花時間


如果而家連9衝既勇氣都冇

第時一定後悔





如果給人美夢的是貘

那麼蠶食美夢的

一定是金錢和時間

一事無成的原因

冇得揀又怨冇得揀

有得揀又唔識揀


呢幾個月先發現自己係個咁猶豫不決既人


"你想點?"

"唔知"

我以前好憎人講呢句

但我而家成日講呢句

空中非人生活

連星期日都要返工

公司好多野做?

唔係呀

返工應酬我老細


果個所謂源自日本既5S管理法

只可以用4個字既粗口去形容

好似小學生咁

比老細check櫃桶check台面check下有冇跟佢個方法labeling排列物品

根本只有佢自己識玩5S

連manager都唔知佢想點


做到7點3

老細開口叫我地收工

我以為真係收得工

袋都拎埋出唻

louis一句提點:咪中伏呀!根本冇人做第一個走

於是全世界冇野做

吹水的吹水

發呆既發呆

老細搵野鬧就應佢兩句

一hea就hea到8點半


時間一分一秒咁流逝

如果係好忙好多野做唔完

ot都心甘命抵

但我既ot毫無意義

純粹係因為老細唔肯走

所以我地都冇得走


返左兩個月工

每日都有野學

呢d就係打工仔既生存之道


我已經決定下星期quit

之前一直堅持騎牛搵馬

下一份工唔唻

死都唔走既意志力已盡失


除左5S管理法令一個有自律能力既成年人極難受外

公司氣氛,士氣亦令我無法接受


marketing根本就係team work

但老細規定我地要分開做自己野

而且佢本身亦好有自己一套

根本唔需要請人返唻做marketing

佢只係需要唯命是從既文員


我反覆諗左好多次

有問自己係咪少少苦楚都唔捱得

而且無論做野同人士上都學到好多

一年後已經係一條好漢

點降每日都有辭工既念頭?


今日既答案好明確

我想做一個發揮自己而幫到公司

工作氣氛投入既環境做野

而且有好好既team work

大家一齊動腦筋諗辦法

而唔係一個孤立既人對住部電腦篤篤篤


無意義既門面工夫

我接受唔到

我又唔係冇做野

又冇令到你賺少左

我坐到你走我先走都唔會令你賺多左


每個人都有屋企人朋友

需要休息娛樂

我只係想做完野放工

由生存回到生活

咁既要求係咪好過份?


好驚一quit就幾個月半天吊搵唔到野做

屋企人又比壓力

但我真係頂唔順

即使是個破氣球

有一份工一d都唔難

但搵一份可以"讓我闖出新世界 交出真個性"既工

就超級難


狂send copywriter/記者既application letter

有時真係send到好支力

累積係copywriter同記者各有一次interview

記者果份已經死左

copywriter果份已經等左兩個星期


我而家正牌係"死心不息"

keep住做一d野去比希望自己


因為如果一個人冇希望既話

果種感覺應該係生不如死


知道嗎

一個人內心要keep住有火

係要比燃料落去燒

燃燒是需要energy


我呢兩個月真係好比力燒


如果我係一個漏氣既氣球

更加要比力揼

為佢製造脹卜卜既感覺


雖然唔係身處險景

但我學識用意志力堅持到底


如果因為send唻send去都冇回音就意氣用事話"我唔做copywriter/記者"

我會睇唔起我自己

石頭爆出唻

記得send出第一份application letter係5月7日

而家已經累積左100份

見過11次工

得3份係真心想做



6月20日就做左而家呢份工

佢不幸地唔係果3份既其中一份

現在仍然騎牛搵馬中



第一份工

由開始的抗拒

變到而家接受

唔係因為我轉工念頭已經打消

而係我視每一日都係賺緊經驗


人人都想做一份dream job

不過世事冇完美

假如我一直都搵唔到dream job

唔通我一直o係屋企"歐"?


用一日去"歐"

不如用呢一日去賺錢賺經驗

就算心靈唔滿足都叫銀包勉強滿足


友人對我說"第一份工係咁架啦,你咪咁心急先得架"

但睇下每一份既recruit post

份份都話請"有相關工作經驗"

相關工作經驗?

o係石頭爆出唻呀??

每個人都有第一次架啦

冇經驗唔代表唔掂


我知經驗好緊要

但唔係最緊要


因為如果經驗第一既話

全部上司應該係老一輩

年輕既永遠做細

冇資格升

呢句野唔會有人服


而家份工

我做住先又點?

第時最多都係marketing,sales,clerical work有經驗

我一世都做唔到copywriter做唔到記者

因為我冇相關工作經驗丫麻


我現在滿腔憤怒

不過我唔會放棄

keep住send

唔洗旨意打沉我

第一聯想

英文就是cheung yan yan~.~

說話的藝術

今日有個女人客人拎左部用過既label printer過唻

話佢老細唔識用

叫我教佢點樣入label紙入去,點樣將d色帶循環再用

大家可以將成件事理解成"唔識放張A4紙落屋企部printer"同"想將用過既墨盒循環再用"


簡單d唻講個客連一d好基本既野都唔識

我唯有教佢一次

而且我都盡力講d令佢明白既野


之後個客走左

上司問左一句:你覺得個客係一個咩人?

我好簡短咁答左句:無知

佢就話:你點可以咁話人架?

遇到呢d客,如果你下下幫佢,之後有咩小事佢都會唻搵你

所以你見唔見我乜都話唔知叫佢上網自己睇?

如果當時有第個客o係度

我顧得邊個?


我對上司呢番話既理解係:你咪又係覺得佢無知,仲好煩添

我只不過係sum up左用兩個字形容佢je

但我既下場係:你點可以咁話人架?


個客o係度果時我服務態度都幾好

我又唔o係個客面前話佢無知

而你既解釋又imply左佢無知

究竟我咁講犯左d咩錯?


我將件事同左luke講


佢既分析係:

你用一個負面既詞語形容人

會令人覺得你係一個負面既人

況且你話佢無知

其實都幾衰

會令人覺得你品格唔好

o係上司面前講野要扮晒positive

你可以話"佢有好多野想知" "佢唔係識得好多野"

都好過你話"無知"

要無時無刻表現你係一個"好人"

即使係一句小小的說話

你都要婉轉d講


恍然大悟!


如果係小學填充題

她是一個_______的人(1分)

填"無知"一定岩過"不太懂怎樣做"


不過同人相處唔講求precise,簡短

而係在乎修飾&婉轉

this is the art of speaking!


我一心諗住你咁直接問

我咪直接答

但個結果係"簡而不該"


快人快語同唔兜圈既性格似乎o係呢個社會上唔多討好

對於呢種說話方式

我諗我需要時間訓練


ps:強烈要求從今開始只可以教我們下一代正面的詞彙

反正負面的東西人見人憎

我們應該將多餘的東西從世上消滅

新世界

很多人都在尋找和自己相似的人

因為有共鳴岩嘴形(押韻~.~)

說什麼都有人附和

不會被否定和排斥

多麼爽啊!


所謂近朱者赤近墨者黑

人們最愛物以類聚


的確

能與自己相似的人相處是件輕鬆愉快的事


特別在選男女朋友的時候

這個criterion尤其重要


不過當我和一個性格完全和我沒有半點相處的人拍拖之後

我對人與人的相處又有新體會

luke會說一些從來沒有朋友告訴過我的觀點

是和我本人完全持相反意見的觀點


情侶間所謂的因了解而分開應該是指這些矛盾吧

不過我在luke口中聽了些我從來沒有聽過的話

問他原因

他會很認真的給我分析為什麼會這樣想

之後有"雖然我做不到/我不會這樣做,但我認同你"的感覺非常有意思


有時我們都太自我

其實可以聽聽別人的話

因為一日不打開耳朵

一日都不知道那些是bullshit還是新意念

但無論怎樣都好

知道別人有任何想法都對自己無害


同時也不要太執著自己和情人之間的"佢同我完全唔似/唔夾/佢唔明我"

因為二人能來到這一步已非常難得

請不要再用你平日的交友標準去衡量自己的另一半了

二人之間

不至於要"找不同 搵錯處"吧


關係若能耐心經營

就會發現一個新世界

不是來自巴黎的巴黎雪完美

什麼茶樹油

真係激到我跳起

搽左上滿佈粒粒既額頭

第朝訓醒

粒粒唔單上冇清

仲紅晒

真係火都唻埋

以前用雪完美去痘無印用得好地地

做咩屎忽痕轉?

急急腳去買支

記得幾年前既舊配方賣$3X

而家竟然要$80一支?!

升幅大過通脹!!

雖然係大陸牌子

不過香港衍生行代理

一路都冇事又有效

所以都幾放心

講開佢係大陸牌子但偏偏叫巴黎雪完美

係咪扮緊外國貨?

但如果理解成"巴黎雪完美"而唔係巴黎出既雪完美就講得通

原理同揚州炒飯&星洲炒米一樣

唔係唻自揚州既炒飯

而係叫揚州炒飯

唔係唻自星洲既炒米

而係星洲炒米

正如我巴黎詩人唔係唻自巴黎

而我係巴黎詩人

有冇人明我講乜?

長大

追了4年的連載

去年出版的大結局

剛買的時候看了一半

覺得有點為結局而結局

一氣之下把書擱置到一旁

今晚實悶得發慌

決定把它看完

連載小說是不是都有宿命?

最後一集沒有之前的激情緊張

而是在說道理

人生不是荷里活電影  每次都能大團圓結局

要長大先要學會失去

看了7集

大結局裡的這兩句話最深刻

我和主角初蕾一樣

還會為失去,遺憾執迷不悟地努力挽救

我知不是努力,執著就一定成功

屢戰還有可能屢敗

因為世事不會完美

最樂觀的做法

不是拼命握緊不放手

或是意圖創造完美的人生

而是失去後欣然接受

這就是TABLE MANNER!

4/8

在重慶森林中與OC大吃大喝印度菜

結尾故

當人人準備跟個印度人上樓

joanne睇完張咭片大叫:我唔食泰國菜!

點解?

等FBI探員monit yim用佢超凡既邏輯推論話你知!

咭片上面寫住"泰姬陵"

我:泰姬陵唔o係泰國架lor=.=

joanne:係咩?

全世界靜左

本來果晚想甩底

因為朝早見左份中伏工

account executive

根本唔係廣告既ae

而係要跑數既sales

嬲&頹到震!

仲特登請半日假見工

要扣糧架

比返d錢我!!

不過如果我甩底會好掃興

同時唔想個個fd去左飲飲食食而自己o係屋企au

頹廢都冇意思

一定會比fd鬧

平日返工已經冇朋友冇野講

有機會gathering

唔係miss呀?

第一次食印度菜

中東口味

我麻麻地

所有食物都好乾

原來除左鬼佬

中東人都係唔識煮雞

可能佢地唔知咩叫"嫩"

好乾好鞋

腦海有一刻閃出豉油皇雞脾白切雞海南雞

雞肉應該要保留肉汁

連埋滑而不肥既雞皮一齊食至夠taste

不過另有一番風味

唔難食

咖哩雞

濕濕地

好食!!


luke和frankie話羊肉好正

話突然諗起羊腩煲好想食


d中東羊

我食左一啖

螺都螺唔切!

好似佢地d體味/.\


"體味同飲食有關

食得多乳製品,肉類都會導致汗臭體臭"

當時我明白到呢個文獻係講堅

因為佢地d體味真係同羊羶味一樣

they are what they eat

印度除左咖哩

當然係薄餅最出名

紅紅地色既新德里薄餅最正!

原來係甜架

醮唔醮汁都好好食

叫到一台都係餸

好亂好迫

不過i like it

因為吃得熱鬧,開心才是table manner!


由飲食習慣看得出一個文族說得一點都沒錯

印度人係好熱情

另外所有食物都偏向乾身

可能係為左想將食物保存得耐d

另外香料多

可能都係想醃肉減慢食物變壞


係咪講得好有邏輯先?

係FBI luke講的


總結:

熱情直接不做作的飲飽食醉方式才最襯我們年輕人

烈日當空

有同學告訴我

今天是立秋


熱得要死

但已經立秋了


不過香港的天氣

彷彿立春夏秋冬的日子都跟應有的天氣不乎


所謂的2011年夏天就這樣的逝去了

這是我人生中第一次沒有暑假的夏天


人們都對四季有很多聯想

夏天和青春有著不可分開的奇妙關係


上莊的大學生在夏天忙得不可開交

有暑期工,intern唔做

一大班人近乎天天見面

開會/諗game/做美勞

不用錢的快樂


一年前我還享受著這年輕大學生專有的權利

一年後已為前途為目標奔波


我已忘記了流青春的汗水被日曬的滋味

天天呆在一個令我迷失的冷冰冰的office


這幾天人人喊熱

我在星期日少有地在太陽底下有所感觸


我在烈日當空前進入冰冷的office

日落西山後離開office

我想親親這個代表青春的夏天代表青春的太陽也沒機會


一身自然而黝黑的皮膚烙印著無數回憶


無論是身或心

真的想和陽光再玩遊戲

意式中國味

這天來了沙田找佳佳補祝她生日

週日的新城市廣場擠爆了人

已是下午兩點多

下午茶時間到了

可是還沒吃lunch的我想來個大吃大喝

看遍多間餐廳的menu

shakey's pizza的menu好吸引

餐廳的開放式設計

食客與逛商場的人的分隔度很低

不過這剛好讓我看到不同菜式的真正賣相

與menu中的圖片很相似

那麼這天就試了shakey's pizza

一早盤算好要吃豬肋骨

長形pizza也算是賣點之一

在menu看見以為是三文魚

但點的時候發覺是意式火腿

但nvm

對我們來說都是同樣的新奇

豬肋骨用的醬汁是BBQ醬

(m記點jack那個BBQ醬)

端上來的時候豬肋骨是暖暖的

不是那種剛烤好熱騰騰的感覺

烤肉應該有的油光也比較欠奉

賣相是有點令人失望

沒有令餓壞了的我食指大動

至於味道.......

就是一般烤肉的感覺

(可以想像一下巴西燒烤)

這道食物的味道合格

但如果包括我之前的期望的話

fail

而意式火眼pizza

第一下口感是很有層次的

火腿的鹹香+平衡油膩感的香草+脆卜卜的pizza皮

不錯不錯

可是愈吃愈不對勁

好鹹!

淺嚐一兩塊的感覺剛好

要二人吃八格pizza真的鹹得過份

飲品最出色

我叫的芒果沙冰很香很甜

要來中和我口中的鹹味

好match

佳佳點的巨峰提子沙冰賣相很有霸氣

味道不會太甜

而且那天冰溶化的速度很慢

可以慢慢嗒

這天吃的兩道菜令我想起我們的燒肉及金華火腿

我對廣東特色食的鍾愛往往會在我吃異國菜式的時候流露出來

我們的燒肉可以做到外脆內軟

半肥瘦的豬肉比例

特別的鹹香

加上黃介辣

啊........

好想食

意式火眼的味道和我印象中的金華火腿差不多

分別是前者拿來夾著配料吃

後者是我阿媽最愛拿來煲湯

如果兩樣食物掉轉角色的話

會是異曲同工嗎?

談理想

理想

好多人都有


年輕人都愛談理想

因為"理想"兩個字可以同fd o係公園飲酒吹水吹天光


可是我已經厭倦了這個topic

亦覺得要說的都說過


我們還有甚麼可以談?

大學生

大學畢業了

應該是去實行

還在說甚麼廢話?

熱浪味

相信唔少人都會偶然零食癮起

我所謂既癮係突然想食鹹味/甜味零食


鹹味我首選薯片

最愛吃熱浪


買左3包熱浪

唔想o係側邊角位開

因為好難封口

可以既話我會o係頂拉開

不過真係好實

最後都係o係角位拉開/.\


記得細個第一次食薯片

學人o係個頂拉開

因為好實

一拉果下d薯片飛晒落地

sosad!!!

點解我食卡樂b薯片果時冇問幾點都會搞成咁??

由於細個冇乜機會有得食

我記得我o係地上面執返唻食


之後大個左食過好多唔同牌子唔同味既薯片

始終都係最鐘意熱浪



比起pringle果隻每塊都一式一樣size一樣味

我欣賞calbee薯片係原個薯仔切片

薄片夠晒脆

有大有細既形狀

味粉有時會分佈得唔平均

不過就係因為咁

大愛有超多味粉的幾塊

好似中左抽獎的感覺



鹽味

sour cream味

bbq味

好多牌子都有

而且分別唔大


但唯獨是辣得唻帶甜味

野味得唻易入口既"熱浪味"係獨一無二


一面食熱浪

一面飲可樂

一面煲劇

正也!

貓到中年

 愁爆

貓到中年既煩惱

雖然未去返當年咁靚仔

但自信已經有7成返左唻

想回復當年勇?

XDDDDDDDDD

其實我花左D時間去分辨呢兩隻貓

佢地次次見親我都東一隻西一隻

又一個攤向左一個攤向右

就連耳仔都係右邊崩左一忽

我好難搵錯處

今日終於分到喇!!

仲同同事發表左"一隻頹頭,一隻髮線向後移"既偉論

PS:佢地其實係女仔唻架

同埋唔知佢地明唔明廣東話

因為係巴基斯坦人養

平靚正-廣源良

左$15 右$28

塊面唔聽話

係咁爆瘡爆瘡再爆瘡

咁大個女都未試過咁

可能關我一個星期化足7日妝事

關我為搵份好工感到有壓力事

我唔單止爆瘡仲爆埋微絲血管

我冇錢做彩光

而家可以做既就係用冇咁多化學成份既SKINCARE

蘆薈應該可以頂住擋先

右邊的ALOE GEL好水好吸

對於OILY SKIN既我真係幾岩用

第一次用感覺良好

爭車坐

自6月中我有工返起

我準時每日8:40-8:45 o係屋企樓下的小巴總站等車

當時的人龍是非常恐怖

我平均要等到第3架小巴先上到車


呢個時間

等車既人有

1-好似我咁著suit擺明返工

2-唔係著suit但擺明係返工

3-好多唔似返工既中年人士


第3類人比我既感覺好似一個謎

佢地好多都係阿叔阿嬸

著得超街坊

狀甚悠閒

不過每個人o係特定時間出街都有佢既目的

唔係後生先有緊要事架麻

係咪?


o係等如3架小巴既人龍入面

第3類人士閒閒地佔左1/3

即係1架小巴既人數


到左近排天氣超熱再唔係就落雨

條龍縮左一半!

冇晒D街坊阿叔阿嬸


咁代表D乜?

代表佢地根本唔趕時間!!

既然唔趕時間

PEAK HOUR就唔好同我地爭車坐啦=.=

melona ice bar

宣傳易有賣廣告

話好食過真生果

冇咁誇

不過都近喇

好有果味

好大支唔易溶

可以食10mins

而且ICE BAR個口感冇雪糕咁RICH咁漏

但又冇sorbet咁冰咁水 

呢種臨界點既口感真係好特別

$8一支(上兩個week仲係$7.X架=.=)

7仔而家做緊$24/4支

好抵呀!!

但點解我屋企個冰格雪唔到雪條??

tell me y!!!!!!!

有蜜瓜 芒果 士多啤梨 香蕉味

(但我未見過香蕉/.\)

exclusive in 7仔

OK冇/.\

綜合價錢 口感 味道 溶化度

佢係我人生中食過最好食最抵食既雪條

死神來了

前幾天和LUKE去看電影

發現"死神來了"又來了

已經來到第5集

真係死極都唔厭


記得之前"死神來了"的續集名夠晒impressive

第2集:死神又來了

第3集:死神再3來了


我仲話

如果有第4集應該叫咩?

佢就咁叫"死神來了4"我會好唔開心

點知真係有第4集

又真係叫"死神來了4"

sosad/.\

應該叫"4神來了"

取我地中國人4=死既意思


點知佢又有第5集

理所當然係叫"死神來了5"

其實可唔可以玩下花臣?

叫"5係掛?死神又來了" 或者 "5好呀!死神又來了"


第6集: 死神付6(碌)地來了

第7集:死神7下7下地來了

第8集:岩岩8到,死神又來了

第9集: on9架?死神又來了!

第10集:果個10下10下既死神又來了

第11集:死神趁住11黃金周又來香港shopping了


6集有排拍

如果我地有命去到2013年先再講12集打後既名