朋友

生日飯上我要介紹來自不同圈子的朋友給大家互相認識

我很隨口地說"他是我莊員"

然後我就給那個他截住了

他連忙向新朋友澄清:我係佢朋友！

(在這個情況當然是我朋友,難道是路人?)

然後對我說:你可唔可以唔好咁噁心?

對啊！真的很噁心

為什麼我會說出這種話?


因為我很少把朋友crossover

通常都是被crossover

對"介紹朋友的開場白"非常生疏

導致我很少思考"這個朋友是相識於什麼場合,我們是什麼關係"



什麼她是我的小學同學,他是我的大學同學

其實當那段有點強制性的官方關係完結以後

我們還會keep in touch的話

足以證明我們的關係已經升呢成為"朋友"了


朋友是在沒有任何外在條件如:利益,重屬,工作的束縛下

仍然"自願"與自己保持聯絡的人


我為我對那位朋友的衝口而出說聲抱歉

我沒有把你升呢

而且還停留在那令人不齒的稱謂

男主角

我內心一直有一個好奇:如果將某一套戲既主角由男變女,個故事會變成點?work唔work?

特別係屬於"不平凡經歷"既提材

最新既life of pi

覺得同life of pi有d似既127

經典d既trainspotting,青春電幻物語,一百萬零一夜,city of god

小品d既cash back, ruby sparks, submarine, intouchables


絕地求生類 (pi & 127) 如果換左係女主角

性格平凡d既應該係喊,不知所惜,體力不支

咁好自然就會極速死左

咁樣係冇戲睇既

所以個女仔性格係要好唔平凡:冷靜,判斷力強,應變力強,有體力

但係如果係咁

搵女人做冇比搵男人做更有優勢

所以唔會搵女人


黑暗類/品流複雜類(trainspotting,青春電幻物語,一百萬零一夜,city of god)

好易會令人諗錯隔離

女人梗係比人搞啦!

冇啦啦變淫片

distract晒冇戲睇

所以都係唔係好work


小品類男主角變女主角

近榜!

不過換左男主角做主導好似浪漫d

所以如果有得揀

都係由男人角度出發好d


我既分析就係

如果套戲冇咩特定劇情

例如:母愛,啦啦隊溝仔,生仔,少女心事(花與愛麗詩&天使愛美麗),寂寞的心,妒忌,男女唔平等

如果唔需要女人既生理特徵套戲已經夠好睇

基本上搵男人有彈性過搵女人做主角


男女注定係唔平等

人類有文明以來都係做男人著數過做女人

今日絮語-0徒料!

如果要我花廿皮搞一晚婚宴,我寧願花黎去旅行或者儲來供樓冇咁嬲。

ruby sparks-

劇情創意得來好正路,但欠缺過程,令人難以代入。如果只係為帶一個message出來而拍,太0徒料!

走過烽火大地-

gd idea! 但太多effect整色整水,冇左documentary果種raw感。又係0徒料!

play safe

redbull stratos

見證左呢個世紀一跳

我領會左咩係挑戰極限既真定義

唔係一味狗衝,咩好有火就等於你可以面對挑戰

狗衝同有火極其量只係最基本既條件

仲要深思熟慮,有步處,有把握同唔可以失敗既決心!


具備以上條件就係挑戰

缺少是但一樣只係魯莽同不自量力


挑戰都可以係play safe

好就女人 唔好就...

自有人類以來

近乎所有地區都係父系社會男人作主

女人身心都被好多禮節捆綁

例如一夫可以多妻,男人可享齊人之福,女人注定要同人分老公

以前西方社會女人一定要著裙,工作/行動極度唔方便

女人要守貞操,如果唔係要用條貞操帶鎖住你,割陰蒂等你冇高潮,浸豬籠等等

點解女人冇男人咁大力可以搵食,冇男人咁果斷就要受苦?


不過自從現代社會主張男女平等

女人終於可以過返d好日子

而且統計發現女人IQ其實比男人高

加上心思細密既天性

愈來愈多女強人

有時什至出現女尊男卑


不過某程度上

女人都係"抵"比男人睇唔起

大部份女人都係一種好麻煩又幼稚既生物

麻煩到身為女人既我都頂唔順

聰明只在小事上

邊度買野平幾蚊

偷雞攞著數

對自己有著數既野就理直氣壯同人"理論"

必要時會以"我係女人 你(男人)蝦我"既手段屈人

郁d就喊郁d就中左死穴郁d就放唔低郁d又後悔

成日唔知自己想點

個人冇rationale

又要馬兒好又要馬兒不吃草

成日活0係FF入面要全世界人配合佢


或者有少少以偏蓋全

但我唔係屈女人

因為如果有個男人做左以上既事

就被冠以"婆媽, "成個女人咁"既稱呼

女人唔多唔少都被定左型


身為一個 100%異性戀 冇特殊傾向既女人

有時我都好怕同女人打交道

因為會"講錯野" "唔caring"


女人真係好矛

成日口口聲聲話要男女平等

但郁d就拋"我係女人"既身份出來要人(男人或者我呢d不拘小節既女人)就

都唔知係邊個令到件事咁"男女唔平等"


我只想當所有人係"一個人"咁看待

我唔想有太多前設令待人處事產生唔fair同唔暢快


有時對住班男人仲冇咁辛苦

狗仔的爸媽

和luke說起

如果我養狗仔

我就係狗仔"阿媽"

好怪....

我連仔都未生過就變左"阿媽"


luke說:沒有強制性要稱呼自己做狗仔的爸或媽

就算他有狗

他只會自稱係"主人"

我說:咁咪唔講得"過黎媽咪度"?"過黎主人度"咁怪

他說:冇人要你一定要咁講,就咁"come come"已經得


其實主人自稱甚麼根本不重要

我比較concern主人身邊的人應該怎樣自稱

如果我有隻狗

我係佢阿媽

咁我阿爸阿媽係狗仔既邊個?

根據返個邏輯,係咪要自稱公公婆婆?

如果隻狗係我阿媽養

我阿媽自稱係狗仔阿媽

咁我係狗仔既邊個?

我要同人講佢係我細佬?


最棘手既應該係一d男女關係

我拿我自己舉例

如果我係狗仔阿媽

luke自然變左狗仔阿爸

咁如果我同luke散左

佢理論上唔再係狗仔阿爸

而當我換過另外一個男朋友

佢就係時任狗仔阿爸

咁如果我"一家三口"在街上遇到luke

屆時,luke又係狗仔既邊個?

由阿爸變哥哥?


從狗仔既角色出發

成件事好不倫

顯得而家既人好隨便


所以

我諗我都係自稱做"主人"好d

信國教不如信基督教

有人覺得日以繼夜再夜以繼日反對國民教育既人on9

原因係讀左咁多年聖經都冇信到主

所以國教都會一樣


嘩!

呢個比喻貼切到呢.......

真係唔敢相信係一個大學level既人會講得出


返學唱詩歌

老師有冇"鼓勵"過我地喊?

有冇"鼓勵"過我地感動?

耶撚最多都係煩住晒要我地信主

但從來冇迫過我地信

冇迫過我地返團契


將國教同基督教比

簡直侮辱左神!


當然基督教/天主教學校唔係流

有人唔信但同樣有人信

但國教就所有人都"會信"同"被信"


"會信"係真係比人洗左腦

"被信"既情況就好似

明明唔信主

但個個星期都要返團契

團契分享果時人人喊到豬頭咁話主真係好偉大

你完全唔覺得主有幾偉大

但為免被同輩排斥,被導師列入黑名單

唯有up一堆違背自己既狗屁過骨


點解要一個小朋友由細就學會廢up口是心非?

做人點解要做到咁?

我地唔需要一個充滿謊言﹑虛偽既社會


你真係覺得講幾句違背良心既野/扮兩下喊冇問題?

我懷疑要叫你平日阿諛奉承你果個豬扒上司靚女/仆街老細好好人都講唔出!

雙重標準

今日發現外傭姐姐進佔了旺角道的行人天橋

香港的人患真的overload了

"人患"不是外傭姐姐

而是自由行

連姐姐們都被迫到同鄉較少的mk


看著她們

醒起"外傭居港權問題"

香港人極力反對

什至是鬧爆幫佢地打官司既議員


咁我問下你

點解廣州人張敬軒來港搵食超過7年

拿到香港永久居民身份證就合情合理?

點解來香港做生意住超過7年既外藉商人拿到香港永久居民身份證就合情合理?

咁點解外傭姐姐o係香港合法地工作超過7年就唔攞得?


因為張敬軒唔會同香港人爭飯碗

因為外國人投資落香港

但外傭就來香港爭飯食

所以堅決反對佢地有居港權


呢d咪就係輸打贏要lor!


調返轉諗

如果你去美國/澳洲做住左合乎成為果度居民條件既年數

人地美國人/澳國人唔比你中國人入藉

但比歐洲人入藉

你覺得公唔公平?


根據而家香港法律

外傭姐姐真係有條件成為香港永久居民

而幫佢打官司既律師只係維護緊法制既公義咋!


唔想香港多人爭飯食

其實係要要求政府制定人口政策

或者修一修例要外傭做夠6年零11個月就返鄉下過冷河


法治精神係要保持人人平等

唔係保障某d人有多d著數

香港人連咩係法治都唔識

除左自私﹑仲愚昧到極點

吵

我唔明點解仲有受過高等教育既人會投禮義廉

唯一一個理由係佢地唔like泛民

因為 泛民 "嘈"

"成日0係度嘈生晒,阻住香港發展"


其實"嫌人嘈"呢個point係非常可笑的

香港人最出名係咩?

"鍾意乜都投訴"

鳥仔叫 投訴

木棉開花 投訴

青蛙叫 投訴

晨運人士拍手 投訴

香港人真係愛和平咩?


按道理

有丁點咁多同理心既人應該會明白點解會有議員抗爭﹑發聲

但呢d自相矛盾既行為

只係進一步顯示左呢d香港人既自私

"關自己事就冇野都搵野來拗"

"(覺得)唔關自己事就叫人收聲咪嘈"

成日話人"唔理性"

據理力爭就唔理性

咁佢地平時郁d就投訴呢樣投訴果樣簡直係"癲"啦


"包容"呢個term已經濫晒

講到尾只係用來掩飾"懦弱"既藉口

連鳥語花香都包容唔到啦

有乜理由係心服悅誠由得d自由行來亂港﹑由得d細路接受一d連自己都覺得on9既國民教育

"包容"只係將冇gut合理化


獨裁同民主

我相信9成人都會揀民主

不過大部份人只會揀"合法地民主"

即係知道自己議會選舉可以投票就去投

但冇份選特首咪唔選

唔會主動爭取

因為佢地覺得"爭取都冇用架啦"

佢地只係知道自己渺小

冇諗過好多個渺小力量集合埋一齊就係強大既力量


議案推唔翻唔係因為佢推唔翻

只係因為有呢d唔去撐"少數努力緊既人"既人而搞到推唔翻


香港人

或者中國人

細膽﹑自私﹑唔團結先會造成幾千年來重覆又重覆既社會悲劇


我唔想我個blog最多文既系列係"回頭是岸"

可唔可以比我抖下?

我們住在政治裡

有時fb更能表現一個人的取態及意見

因為現實生活各有各忙

我地想表達自己

最簡單既方法就係0係自己個主場發表意見

一次過﹑單方面講晒比所有fd知


從fb間看出大部份"fd"對政事之冷淡

冷淡到永遠唔share唔提

重要日子如7.1 6.4甚至近期反國民教育

徹底地隻字不提

fb繼續風花雪月


我知

因為呢個係"政治"問題

"我唔玩政治"

"政治咁複雜"

但話晒我d "fd"9成都係大學生

如果仲係咁諗實在係浪費&侮辱左咁多年受過既教育


除非你住0係深山同外界100%隔絕

如果唔係

你而家住緊果個有唔同community組成既地方就係叫"社會"

住0係社會入面既某大群人遇到既集體問題就係"社會"問題

政治係當權者同反對黨去操控或改變社會既手段

所以我地冇人可以避"政治"


就算唔玩捉字虱

大家都有份既"社會"有問題

係咪應該要理下?


社會好似一條食物鏈咁

一層疊一層

其中一層出左事

你以為真係影響唔到你咩?


如果真係直接影響到你先出聲

遲唔遲d呀?

咁點解人地一早講比你知件事有問題果時你又唔理?

死到臨頭先識驚真係冇得救


"冷青"不問世事既另一個原因:認為件事冇得救 所以"本peh"(kind of掩耳盜鈴)

但世事冇絕對

即時行軍打仗都冇話必贏

不過自動投降就一定輸

我一係憤怒d"冷青"短視

二係憤怒佢地消極

連掙扎都唔試

三係憤怒清醒既少數比on9既多數累死


如果日後香港真係變成煉獄

不要怪共產黨

不要怪香港政府

因為都係不聞不問既人比位佢地入


不聞不問既人係害人害己既幫兇

正常生活

很多在外國住過一陣子的朋友回港後都適應不了香港的生活環境

因為香港人多擠迫

行人好像趕住去死一樣

返工上唔到車

落車時被人迫回車廂

抬頭只見高樓大廈看不見天空

還有瘋狂的老闆瘋狂的客人

人人都神經緊張


不了解他們的人只會說他們崇洋崇過頭了

在港居住了十幾廿年又唔見話唔適應

放洋一陣子竟然變了個外國人


嚴格來說我只是去過6次旅行

湊合起來

離港不過90日(都冇)

但我現在屈在香港已經非常受不了

何況是在外國住過的人?


星期一至五要返工

工作間沒有窗口

害我完全不了解天氣

無論下大雨或猛太陽

對我來說都沒所謂

反正一天裡我只曝露在室外30分鐘


坐地鐵次次都上到車

只是門永遠不會一次就關上

下班時經常被蜂湧的人群迫得下不了車


分不清又一城新城市apm朗豪坊

因為入面都一樣


好想找個就腳的地方坐一會竟然難過找廁所

尿急得要死

卻要排個十分鐘方可解決


理所當然的事情竟然像天方夜譚

有時覺得住0係香港連基本人權都冇


其實不是外國特別好

只是我們見識了何謂正常

然後發現自己是個正常人想過些正常的生活而矣


覺得遊客0係mk街頭拍video無聊嗎?

前世未見過人0係條街度行呀?

係呀!因為唔係度度都有咁多人


我現在一放假就要離開市區

我不想見到多餘的人

否則我心理唔平衡

先生小姐

這些年都認識了不少TB

她們有些是lesbian有些是性取向不明


不過既然女扮男裝


那表示她們不想做女仔吧



不過我覺得在這個年代這些事情都沒有所謂了

只是有些情況比較尷尬

最常見是點餐的時候侍應那句"小姐/靚女想食乜野?"


每次我聽到這句都會留意一下她們的表情

可大多TB都是面無異樣的

(最有異樣那個應該是我)



無論在中文﹑英文﹑法文等語言裡

普遍都有先生﹑小姐這些性別分類的稱呼

只有日文"さん"是沒有性別之分


中文詞彙海量

竟然沒有一個沒有性別之分的稱呼?

為了表示社會共融進步

我認為真的有需要產生這個新詞

摸黑

今個weekend終於可以親親大自然
是次打算由烏蛟騰行去荔枝窩
約3:15開始行

剛開始時沿途有好多蝴蝶
有手掌般大少
很誇張

中途有很多濕滑的山澗
路窄得二人平排行會迫到碌落山
有濕滑爛泥地和崎嶇的石頭地
腳掌的感覺很差

一隻牛都唔見但有好多牛屎
是個十分嚴密的地雷陣
有新鮮的,有懷疑被屎虫分解成蓮蓬狀的,有乾到化灰的,有一pat pat夾雜著一條條的
人生第一次看見這麼多不同形態的牛屎

行到三椏村已5時多
有點中伏的預感
但折返也需時
所以還是繼續往前走

遇上一隻惡狗向我們吠個不停
旁邊還有兩隻洛威拿
玩野?唔惡唔養
扮鎮定直行直過
隻衰狗竟然跟住我地
果刻好憎狗

走過紅樹林
約6時許到達荔枝窩
那兒真的只有3樣野
百花魚滕,空心樹和連理樹
看不見癲茄
卻見到有棵樹結了個橢圓形的果
想摘來吃
後來發現那叫海芒果
有毒的

因天色已漸沉
急急腳拍了幾張照就趕路回程

打算依網上說的路線
行到鹿頸再出市區
誰知告示版寫著尚有5km,3小時之路程才可到達
有一刻想報警
但天尚未黑齊
更加不想上蘋果動新聞
報警理由薄弱
所以還是決定繼續行
幸好有路回烏蛟騰,路牌說約兩小時路程

意志堅強的luke叫我加快腳步
應該趕得及太陽完全下山前回到去

之後就博命喪行
我行行下突然覺得成塊面好熱,連耳仔都好熱
我懷疑自己中暑就嚷著要在石級上休息5分鐘
luke說我只係做唔慣運動
趕時間所以不準休息
最後我賴死在地上約兩分鐘
cool dowm了至願行


路還是一直上山
雖知路只有一條不會迷路
但還是有點焦急
幸好已經沒有溪澗
否則跣死都唔知乜事

天黑了8成的時候終於是下山路
因為太黑了
又踏到很多次軟綿綿的東西
已分不清是爛泥還是屎
流水聲愈來愈大
好怕跣腳

最後7:40天黑到9成半之際成功返回烏蛟騰


途中我問luke有冇覺得我fake左佢
佢話如果唔係我地膠下膠下就唔會摸黑行山
個經驗幾特別
況且佢父母偷渡來香港都係摸黑行山路
所以佢覺得冇乜野

其實我有佢陪
所以唔驚
況且完全黑晒的話就慢慢摸落山
總會摸到返去
不過因為近日的新聞
聽到流水聲時覺得很stressful


之後發現下巴沾了很多"沙"
luke說那是我汗水中的鹽
真是一粒粒白色的結晶
我繼上次在antalya汗濕全身之後
今次又是這樣生醃了一天

一係唔做運動
一係咁劇烈
好彩身體ok
而且意志都ok
(雖被罵沒意志)

在大家樂吃了個爵士牛扒餐慰勞一下唔洗上新聞既自己

現在回到家感覺有蟲咬@@


PS荔枝窩路程太崎嶇亦不算多野睇
純粹是"行路的享受"
奉勸早點出發&新手不要試

UFO與神

說起上來
我是相信有外星生物的
宇宙之浩瀚
有其他生命體一點都不奇怪
我還相信他們有比人類高的智慧
否則一早攻打地球了
戰爭與侵略,破壞自己的家園只是低等又愚蠢的動物才會做
道理就像我們好人好者不會去攻打一個蟻竇

看過了很多記錄片
遠古時代的神話人物
十分有可能是真實的記載

金字塔的建成與內部結構有太多超出了當時的文明

那些神話人物可能是外星人
甚至是未來人類靠時光旅行回去的印證

可能我們一直像MIB般被未來人洗腦也不一定

普遍人可能會認為我這樣想是無知
但我想問信神又是不是很"有知"

我寧願相信麥田圈是外星人給我們的密碼
都不願相信燒死亞伯拉罕的火變成水和魚和玫瑰花

可能耶穌其實是外星人
他被UFO吸上天準備飛回家卻被當時的人類誤以為他升天
無啦啦被神化

如果你會笑以前的古人看見天狗日食以為蒼天發怒是無知
其實現在的信徒也差不多吧

說起上來信主的人自high能力非常高
郁d就感謝主
生cancer都感謝主
小時候被潛移默化沒話說
如果是長大了才信神
我敢肯定10個有9個都是遇上挫折或是在正常的social life得不到滿足感才找的心靈依靠
餘下的1個是為異性

與其個個星期六日返教會
以為合埋雙手默禱幾句就會有奇蹟發生
不如走去跟長毛和毓民
用行動努力抗爭建立理想的社會

完全接受唔到一大班心靈脆弱卻以為自己強壯的人個個星期圍在一起發up瘋
站在道德高地去批判世人

偽善者令人作嘔

瞬間看地歷史

自從在土耳其發現有khan(汗)的畫像
又去過當年絲綢之路的一個驛站
d人個樣鬼得來又有d亞洲樣
有錢商人說他在新疆認識了會說土耳其語的muslim
感覺實在太微妙
我們竟然好像有條無形的索牽引著


翻查資料
土耳其的土耳其文係turkiye
我地以前中史堂講既外族--突厥(turk)
turk, turkey, turk, turkey
土耳其人係turk既直系後裔


東突厥之後係匈奴即係之後既蒙古
所以在土耳其見到khan既畫像唔出奇
大家語系相似
都係咁樣稱呼皇帝


順便查到吐蕃即係西藏
所以叫tibet


土耳其人太幸福了
遷離了是非之地
還繼承了鬼佬的模樣

可憐吐蕃的後裔還處於水深火熱之中

土耳其不屬於歐洲的原因

原來土耳其在很多人心中是屬於歐洲的
其實只有伊斯坦堡的一少部份屬於歐洲
99%的土耳其都在亞洲版圖內

知道為什麼土耳其不屬於歐洲嗎?
可能因為土耳其人不夠懶啊!(笑)

論勤力
香港人是全球數一數二的了
當然不能相提並論

土耳其的鐵路不發達
巴士是穿梭各城市的主要交通工具
要去遠一點的城市
坐過夜巴士就可以省掉一晚的住宿費了
不過不用擔心途中內急
因為每隔數小時就會泊到中轉站休息
中轉站有廁所食店超市
所以土耳其沒有24 hours的7仔
卻有大量24 hours的車站
看見當通宵更的土耳其人
有份似曾相識的感動(淚)

三更半夜看見有群清潔工認真地洗巴士
視覺上很新奇
他們真的洗得很認真
我記得我講左句:有冇咁污糟呀?
香港求奇一架巴士都污糟過佢地十倍!

副車長在旅程中會在車廂噴消毒藥水
又會給每個乘客噴一下酒精搓手液
感覺真的太潔癖了!
那兒乾燥的天氣細菌生長速度應該比香港慢一倍吧?
香港人在這方面的意識真的要多學習

長途巴士沒有太多車廂服務
只是派水和小蛋糕
因為大家都倒頭大睡
(也可以選擇看電視,我發現不聽對白竟然都看得懂功夫熊貓!)

由izmir到pamukkale這類中短途車程就有車少服務我們
對!
是車少!(空少的朋友)
他們會問我們喝什麼,有茶,水,可樂和果汁
那個夾心餅很好吃
其中一名車少很像C朗!!
而且沒有C朗般粗線條
好靚仔!
我大喊落車要和他合照
可以當時忙著拿行李有點混亂就忘了!

C朗是我遇過最帥的土耳其人了
我為不能和他合照回來冇得曬命而難過/.\

土耳其給我的感覺很地大脈博
除了公路旁的風景很national geographic外
人口密度也不高啊!
所以常常在山旮旯看見一間小士多的時候
你不禁會問:點解會有人0係度做生意?
佢地平常點補給?
一日究竟有幾多個人來買野?

最癲係人頭山那間獨市小店
下回再說

傅穎與莫札特

同是有一萬五千元的旅費

有人會作短線遊

平機票

豪食宿豪買豪玩

有人會花一半旅費遠走他方

寧願兜踎食兜踎住唔買野都要體驗別國的風景

兩個相異的作風同樣叫旅行

友人認為要遠離香港做些這裡不常見/不會做/做不到的事才算真正的旅行

也才夠資格說" i love travel"

她認為只去日本台灣星馬泰就喊"i love travel"的人是侮辱了去遠方探險和訓街的backpacker

就等如喜歡聽傅穎唱歌就大喊"i love music"是對love music的莫札特的一種侮辱

侮辱在他們不了解但以為很懂

噢!

如跟從這邏輯

道理的確是這樣

若比喻成
小孩子愛bear bear熊和媽媽愛兒子
層次上有差別
但小孩子的愛也是愛啊!

在我看來這些定義不涉及大眾利益

是無需共識的

你去你的星馬泰

我去我的非洲南極

大家河水不犯井水

況且我偶然都想去一下星馬泰

縱使不太出走feel

每個人心目中都有一個旅行的意義

我的意義是遠離香港

遠離是指"完全唔似香港"

shopping,食野,嘆,絕對不值得我大費周章

世界實在太大

還有很多東西等著我去遇見去發掘

趁風景還存在想見它一面

想體驗風土人情提醒自己香港人不代表所有地球人

我想要回憶而不是肉體上的享受

重點是趁後生去

因為後生上鏡點都pleasant過做左中女/阿婆先上鏡

而且我想去的地方都需要一點體力

老了可能就不願舟車勞頓

btw

雖然香港令我窒息

但我還想住在這城市

說不通的邏輯

當我自虐好了

血統與體質

自以為想得很周到
一早買定頸枕和小毛毯好讓坐飛機& overnight bus時舒服點
但真是百密一疏
只帶了頸枕上飛機
小毛毯寄倉了(因為機上有呀!)
沒想到在多哈待9小時轉機是如此冷得要命

luke穿短衫短褲
他把機上送的襪子改裝成手袖
又把短褲上那反起的2cm捲低
他說1cm都要用到盡去保暖XDDDDDD

我們把身上的物品都攤開來蓋上身保暖
首先是背包蓋小腿
環境袋蓋大腿
連縮骨遮也出動XDDDDDDD

看著人家全副武裝
好羨慕=.=

大概這樣冷了9小時是我們之後感冒的伏線

izmir的溫度有點像香港
還乾爽很多
所以是ok頂得順的

到了萬里無雲的efes
是大乾煎!

我感慨香港沒有藍天
但那兒的藍天也太極端了
我們是100%曬著由天下射下來的陽光
再100%曬著淺色地面反映上來的陽光
我想有37度或以上

efes既宏偉又山旮旯
而且夏天溫度這麼高
我覺得古人可以建成這個古城+沒有恆溫系統也如常生活+非常繁榮
真的很神啊!

病情在pamukkale小爆發
我知道要更小心飲食了
不能大爆呀!
土耳其的食物全都很熱氣
kebab最常配一隻青辣椒
非常惹味
我不吃辣的所以沒碰
可喉嚨痛初癒的luke說不吃那隻辣椒吃不出神韻
他在明知山有虎的情況下大口大口吃光那隻辣椒
隔天早上他就喊喉嚨痛得要命
比之前還要痛

雖說是自作自受
但他還是很陰功豬啦/.\
我趁在酒店有wifi
上google translate查了"感冒,喉嚨痛,咳和喉糖"的土耳其文
看看有沒有機會找到藥房

一到ANTALYA
由冷氣巴下車那刻
那種溫差已經令人受不了!
我們在車站的商店找不到藥很生氣
怎樣可能全都是賣糖果賣報紙?
難道土耳其人都不會生病嗎?

光看圖片
萬萬猜不到這宜人的地中海城市竟熱到44度!
這是我人生經歷過最熱的溫度
不是說笑
我熱到全身濕透
連底褲都濕透
大脾的汗在褲管內不停地流
是名副其實的汗如雨下
然而熱到如此地步我才第一次看到土耳其人流汗
而且只是兩個土耳其女生
其他人一切正常
如果光看影片
看似二十多度罷了(因為他們不會穿很少,muslim繼續包得很實)
真的一點都擦覺不到熱成這樣

熱到心口閃晒燈的一刻
我明白到東亞人體質沒西方人/非洲人強壯的原因
當然是地理和氣候問題呀!
人家的天氣這麼severe
要生存
強壯的基因已經世世代代流傳在血裡了!
土耳其人已這樣強壯
你能想像俄羅斯人和非洲人強壯成怎樣嗎?

我們還留意到中西混血而成的土耳其人個子雖然不高
但身形很厚實
連一個看似十歲未發育的小男生都有矯健的骨骼
所以說到踢足球這類埋身運動
人家一下就可以把我們撞飛了!

從天氣,食物,身形,人的反應
我第一次深深感受到血統是什麼一回事
土耳其不單充斥著奇異的地形
連天氣也帶給我奇異之體驗

PS:我死唔去是因為吃了很多很多西瓜清熱啊!
熱氣真是百病之源!

隆鼻生意冇市

很久以前對土耳其人的外貌就有很多猜測

遠在08年希臘旅行的時候
當時根本找不到一個所謂的"希臘樣/雅典娜樣/石像樣"的人
更加不用說傳說中的"希臘鼻"
我們在santorini巧遇的導遊和在雅典街上的男人
樣子都是鬍鬚lut突,面圓身圓
感覺上很bulky很適合玩摔跤的人樣(遇著08奧運,希臘熱播的賽事正是摔跤!)
那時同行的友人說:點解d希臘人咁既樣?梗係溝左d土耳其血!
我那刻還覺得那位友人說得很有道理
希臘人這麼"不希臘人"一定是混了亞洲血統才墮落成這樣

去年另外一個友人去了土耳其
她回來時第一句就說:痴線!d土耳其男人好靚仔!

兩個極端的意見
究竟土耳其人是怎樣的?

我最先接觸的土耳其城市是Izmir

帥哥沒有很多
不過倒不像08年在希臘看到的那樣
他們大部份是啡啡地色的鬼佬樣
少部份是中東印度樣和少部份的白人樣
最大的共通點是全部土耳其人的鼻都是又高又直
而且是高得來尖尖長長,沒有太多肉的頂級靚鼻
大家都是亞洲人
但他們卻有著我們夢寐以求的dream nose
隆鼻及整鼻手術在那邊一定冇市!
真正的土耳其人比我08年見到的"socall混左土耳其血的希臘人"靚9萬倍!

畢竟都是剛到埗
我和luke打趣的說:不如我地今次個trip其中一個mission係搵一個鼻扁既土耳其人!

打賭後第二天
吃早餐時電視播著土耳其新聞
我們當然一句都聽不懂
畫面上看來像是一個新聞發佈會
內容應該是一間醫院講述他們治了一個很難根治的病/收了一個怪病patient
說了一輪雞腸,鏡頭zoom在坐著輪椅,看似智力有點問題的兒童病人
那刻我簡直是shocked!!!
他,就是我們在全個旅程中
看見唯一一個鼻扁的土耳其人=口=!

原來他們的鼻扁是genetic defect
那麼我們東亞人在他們的眼中.............

最後我又打趣跟luke說:我勉強mant車邊0係佢地眼中都係一個正常人,得佢唔係XDDDDD

覺悟之時

遊行示威最常出現的口號"建設民主中國 結束一黨專政"

喊著喊著

我開始思考如何"建設民主中國 結束一黨專政"

這是個超複雜同時超簡單的問題

複雜之處:

就算在十八大期間掉一枚原子彈落中南海

高官一次死清光

都解決不了中國一黨專政﹑貧富懸殊﹑貪污腐敗的問題

一雞死一雞鳴

只是一個讓地方官升官發財的大好機會

制度根本沒變

問題始終沒解決

簡單之處:

從中共連李旺陽這個手無搏雞之力的傷殘老人都不放過的齷齪行動來看

星火燎原

一傳十十傳百

一個個體的號召力非同小可

人民絕對是力量!

因為中共獨大
除了是那班狼心狗肺的當權者操控了大多數事情之外
漠不關心﹑不問世事﹑短視﹑後知後覺﹑獨善其身的無知人們也是幫兇!

要有民主中國

不是要等中共覺悟或改革或是口頭上宣佈平反六四的一天

而是所有人民醒覺的一天

全民醒覺之時

一起上街遊行﹑罷工﹑癱瘓所有生產

我相信即使只是靜坐

當權者拿我們沒轍就不得不下台

因為國家是人民的

當家作主的是大眾
而不是政府

要促使這一天的來臨

與其等待天開眼或是自我安慰地求神拜佛

不如點化漠不關心的人們更為實際

PS:恭喜呢度正式被大陸網警封殺

likeology

五六年前
你有沒有試過突然有件事需要人幫忙
而你相識的人之中有一兩個可以幫到你
但你平時和他們根本沒聯絡

硬著頭皮拿起電話準備打給他們求助
一個一秒就完成的撥電話動作
突然間變得難度超高
遲疑了十分鐘還未有膽按下去

當時你心想"早知平時就keep好d人際關係啦"
但另一把聲又說"痴線!點keep呀?根本都唔岩傾,點知幾時要人幫je,下下同每個識既人都keep好辛苦架wo"

但在FB﹑twitter和whatsapp大行其道的年代
事情就好辦了
要保持關係一d都唔難
你甚至唔需要搭訕咁辛苦
一個"like"搞掂

只要0係適當既相適當既時候like一like
等佢知道你呢個朋友有留意開佢既野
有一日突然間同佢chat都唔會咁礙眼

太好了
這道function實在太好了!

我不認為這是虛偽
只要那個like不是um住良心比就ok
like是對人一種認同和關注
這是一點做人之道
like下又唔洗比錢
冇人會因為太多like而唔開心

總好過要你在那些平平無奇甚至係幾樣衰既朋友自拍照下留:
靚靚呀!
kawaii!!
靚靚豬
好型呀!

這樣不是更虛偽更噁心嗎?

like是一種表態
而不表態也是一種表態

不過話時話
無論我張相影成點
都冇fd留過"靚靚豬"比我
真係夠晒真心朋友=.=

沒有7過不算去過旅行--巴黎篇

記得fb wall上有人share了張相

內容大概是:去旅行時不要拘泥於小小的遺憾 因為遺憾誘發我們再去一次

真係agree到癲

基本上去旅行既其中一個樂趣就係"一定會有7野發生"

我個腦突然湧現左9萬幾件7事

可以出書

個名叫"沒有7過不算去過旅行"

單係巴黎既鐵路已經7左兩次

第一柒:買月票

同hk唔同

metro既票費係一程一程咁計

即係由mk去太子係$10

由mk去觀塘都係$10

一程係好貴

所以去得近係好蝕

我由28/6留到到31/7

用月票係最抵

(一個月任搭巴黎1,2區既線)我地去到counter用英文講買"monith"既ticket

個staff回我地"month?"

我地就用法文答左句"oui"

個staff收到好平

我地又唔為意

點知比完錢一睇

竟然係"week"票

用返0係hk既認知

梗係第一時間同佢講要退

再買返張月票

點知個staff極不耐煩

佢:你地頭先話要week架wo

shit!原來佢將oui聽左做week

hk認知fail

冇得即場換

要換就要0係下午唔知幾點前搭去唔知邊個站既metro office度換

冇啦啦就蝕左幾廿蚊

此乃一小7

第二柒:新凱旋門事件

呢次真係7到核爆!

一行5人搭RER到左新凱旋個站

(你當metro係地鐵, rer係東鐵)

只係到左個站

未出閘

一上電梯到lobby已經有一大班rer staff要check票

我地比左張月票佢睇

佢竟然要罰我地每人3舊水港紙!

因為新凱旋站已經係第3區

月票不適用

我地話:但我地冇出閘wo,最多而家落返去搭車走

此時hk認知又再fail

班staff竟然話唔得

存在0係第3區已經犯左規

一定要罰!

罰3舊水已經係最平

再唔磅水罰5舊!

真係dklm

拗左一大輪

最終都係屈服於rer班staff既淫威之下

原來成班蛋散早有預謀0係度捉人

有好多法國人都比佢地屈左錢

黃昏時間

5個人拖住長長既背影呆座0係新凱旋門對開既樓梯

講左9萬幾句粗口

"呢度有咩咁好睇?特登黎呢度做乜春?"

dum地嚇到d白鴿飛走晒

然後好頹廢咁回程

回程既時候

發覺新凱旋門既metro站係冇王管

d法國人就咁跳入閘

(你當係九龍塘火車站有一班 _ _0係度狂罰人錢,但九龍塘地鐵站hea到可以唔比錢入閘都冇人知)

此時既粗口已經增加至9億句!

巴黎最唔nice既就係metro同rer既staff

佢地成日扮唔識聽英文

特登唔答你

已經慣晒

hk認知同logic 0係果邊完全唔work

呢d7野旅遊書係永遠唔會講

科學人生

身困麥記廚房　16歲苦學生畫作揚威國際
先唔好理主人翁幾靚仔呢件事
在fb wall上或新聞偶然都會有人完成了件熱血的壯舉而鼓舞人心的報導
像踩單車環遊世界
人人覺得佢傻但佢好堅持既事例
人人話佢唔得但最後得左既事例

我同意這些事是要spread開去的
因為我們這一代太有夢想
而那些夢想普遍被大眾認為"唔知為乜"和"搵唔到食"

對呀!
要又難實現又搵唔到食但又好鍾意先叫夢想

不過如果我們沒有這些熱血事例的分享
沒有前車可鑑
沒有被鼓動
你估熱血青年還有沒有膽走想走的路?

相信會少了一大截

想到這裡
覺得做"第一個"的人很偉大很有gut

學我朋友話齋
我們每個人都沒有將來
我們只有現在
沒有把握現在是沒有美好將來的

光是在腦海裡想像和盤算等如紙上談兵
應該活得有科學精神
真真正正用行動去做個實驗!

夢中的婚禮

luke的朋友結婚了

我早陣子在旺角行人專用區幫手進行求婚大作戰

今日準新人雙方約好中學同學拍video在婚宴播

真的很有心思

一生人一次當然不可以hea

要盡力實現夢想中的婚禮

而且我覺得男方很有耐性和體貼

因為正常來說只有女仔才會想這樣大費周章


我剛巧和luke拍拖兩年

竟然有很多朋友問幾時輪到我

還問我夢想中的婚禮是怎樣的

真係十劃都未有一撇

不過被問到這個問題

我真的思考了一下我的wedding..............


應該是超簡單的

一定不想在眾目睽睽下被求婚

因為小時候看戲看上腦


男友下跪:"嫁比我"

途人:"嫁比佢嫁比佢嫁比佢......."

女友雙手掩著口不知所措

她看見周圍的途人如此熱烈

然後點頭答應

最後途人:"嘴佢嘴佢嘴佢......"


每次看到這些倒模情節

我都會覺得女方是逼於無奈答應/唔好意思拒絕

自己的私事成為途人的焦點實在太尷尬了!


我心目中有9千個理由唔擺酒


婚宴動輒就二三十萬

這要儲好一段日子的金額

一晚就花光了

二三十萬夠我去個超豪旅行了!

我家的親戚/父母的朋友一d都唔疊水

一定回唔到本!


自小就討厭去飲

一早去到無無聊聊坐兩三個鐘先入席

從前最期待那碗翅現在也不希罕

我不想傷害鯊魚


近年流行在婚宴中簽紙

令這件無聊事有了一個最寶貴的意義

可是發現那些沒質素的親友(通常都是父母的)不懂得尊重新人

在神聖的時刻繼續在席間高聲說話

我有我天地的聚舊

這些雜音很煞風景

令成個過程蒙上陰影


上百個人困在酒樓排排坐吃東西實在太形式化太悶了!


我要在陽光普照的下午

在海邊搞個同陽光玩遊戲的wedding party

請隊band表演有野睇唔會悶

而且是吃自助餐!

那麼賓客就可以自由走動自由交流隨便吃

光天化日可減低大家劈個爛醉的機會

父母沒質素的朋友最好可以唔請


穿婚紗拍pre wedding photo是必要的

忠於我愛大自然和simple的style

以海邊沙灘﹑藍天﹑綠草和花卉做背景

動作也可以free style一點


幻想完畢

爽健美茶

究竟係爽 健美茶
定爽健美 茶?

飲左會唔會瘦d?

鬼出沒注意

細個晚晚聽恐怖熱線
唔恐怖會噓
恐怖又驚

我覺得鬼只會出現0係有人的地方

即係你幻想下獨處撒哈拉沙漠
四周茫茫的沙海
那裡只有日出日落
零星的沙漠動物
偶爾出現蜃樓
夜裡除了風聲就是風聲
一個人點著火把
呆在沙漠中央
再環顧無窮無盡的四周
怎麼想也不似會有鬼
名副其實的"鬼影都冇隻"

相反
那些歷史特別由久的地方出最多鬼故


如果那個地方荒廢了很久
究竟是不是真的有群鬼住0係度?

沒人的話
鬼也好像幹得沒意思

追女如戲

熱爆IVE學生上堂示愛，女生傻笑不知所措

唔係講笑
唔係淨係呢個男仔犯下呢個追女仔既錯
我身邊就有一個類似行為既男性朋友
需要我嚴正地點醒佢

有時示愛只係一解鬱0係心頭多時既困惑
愛火燒心按捺不住下做既傻事
往往錯誤估計了後果

要蕩坦坦大庭廣眾地示愛成功
二人應該要有多少感情基礎(例如:求婚)
否則十成十係衰收尾冇fd做
因為怎樣說都太丟臉了

如果要用電影比喻追女仔
應該是劇情片和推理片

劇情片是指有process
二人關係循序漸進地發展
一路build up build到時機成熟就表白
有晒上文下理
未到時機會變得太突然
過了時機女方會不耐煩


推理片是指追女仔或多或少都是場心理攻防戰
要知道她的想法
不要過於顯露自己對對方的熱愛
或是過份隱藏變成她的姊妹
要收放自如

最糟就是那種低估後果
爆烈地毫無先兆的示愛
簡直是齣恐怖片
像隻鬼"嘭"一聲彈出來
嚇得人家尖叫

拜託
it's not cool
即使心臟多強的女仔都受不了
冷靜一點的女生會說"別說笑"讓大家好下台
或許以後還可做個朋友
逃跑是最無聲最決絕的反應
九成九連朋友都做不成

我是不buy 45度santino那套的
不過同意男士們應該用多少計謀去奪得美人歸

團購陷阱 停一停諗一諗先好買

近日一連中了兩個團購陷阱

真是令我十分氣結

1)店鋪沒執不等於coupon可以兌換

首先就是很多人中了招的Jigocity

我打去我團購了的餐廳

負責人說jigocity沒付錢給他們

所以coupon兌不了

這件事imply了要找一間信得過的coupon供應商

不要見到有so就中個頭埋去

2)找有保證的coupon公司

yahoo團購網的coupon供應商應該信得過

(不過最好不要through yahoo,直接到coupon供應商的網買,因為如果有糾紛,這樣隔幾層,追究上來很麻煩)

令人出奇的是

yahoo自己提供的coupon反而信不過

原因在於yahoo沒有customer service hotline

如有意見/疑問/投訴

只可以send email到yahoo的cs

它們的回覆不但慢

而且明顯是在給"標準答案"

即是牛頭不搭馬嘴

雖然那則回應email說:歡迎你回覆更進

但無論你怎樣更進,yahoo都是回同一樣東西

你會看得出那個回覆不是電腦系統自動出的

而是本身有很多個model answer,cs的staff按類型,用人手選了那個答案再回覆的

看穿了的話,其實yahoo就當我們買了coupon的人是傻仔

不斷帶我們遊花園,就是不退錢給你

3)coupon類型

我大大少少都買了數十次coupon

什麼類型都有

發現買一些可拿著coupon即時兌換的最low risk

通常都是食物/平價貨品eg:一條legging/一個環保袋

另外,如果看到有數百個人買了coupon

心裡自然會想"那麼多人買,即是ok信得過啦"

其實這個想法很正路

問題是,我們應該考慮一下那間公司可不可以handle到如此大流量的coupon

安全的例子:海天堂/位元堂

它們有很多間分店,而且在買的時候已選好兌換地點

所以它們overload的機會很微

危險例子:課程

因為一下子有那麼多人買了coupon

而那些公司的規模通常不大,就算接booking都接到手軟

而且愈遲book,上課日期愈後

uncertainty又多了

我買了個蛋糕班課程

記得有千多個人同樣買了

結果我打了很多天電話也聯絡不到負責人

上了那蛋糕公司的fb fan page

原來有很多個人和我的情況一樣

我們都留了contact

但負責人還是沒有回覆

只是有wall打了句:因為太多人打電話給我們,所以overload

而他們的課程爆到7彩

schedule已排到7月

一間admin做得如此差勁的公司

還要我待到7月

我真的怕它會執笠

好好戀愛

剩女盛女

這個topic換湯不換藥地成功借屍還魂了


身體39歲但愛情智商得19歲的florence令我呆在mytv肉緊重溫

其實florence很有代表性

她代表了無數個剩女的心聲


原來很多人都有同一個想法:

"如果我0係佢面前要掩飾,咁即係我唔係100%自己,而佢愛既都唔係真正既我,this is not true love!"

(所謂既掩飾對不同人有不同定義:化妝/唔講粗口/扮斯文/扮弱小.........)


我認為世上沒有100% match的兩個人

要找一個愛人/維繫一段感情

不多不少也要放棄一點點自我

但這樣絕對不是"虛假" 或是"委屈"


就好像我不會主動去看mission impossible 4

因為我不喜歡純粹官能刺激沒啟發性的電影

但我男友想看

我坦白了我不想看

但還是願意陪他看

請問這是委屈自己嗎?

我又很虛假嗎?

反過來想答案就顯然易見

他也陪了我看他不想看的白雪公主


坦白一切

他知道了事實

不但不會覺得你假,反而是貼心

而你自己對那些"真真假假,委屈不委屈"的多餘問題肯定會以光速拋諸腦後


不要忘記愛情是雙向的!


其實面對著一個重要的人

自自然然就有一套only for him/ her的做事標準

而那個標準包含:犧牲﹑改變﹑坦白

是100%心甘情願

那"10%自我"已經無關痛癢

看mi4又不會死!

不想跟他吵架,自動end topic又不會死!

當堅持到一個地步

就會問自己咁堅持為乜?

因為贏場交,輸感情好唔抵



自我真的那麼重要嗎?

如果你真的很想得到某種東西

就會忘我


放下無謂的堅持

不付出就不會有收穫

要得到愛就先要犧牲


明白這道理

就有資格好好戀愛了

觀音的用心良苦

如果每個男仔心目中都有個沈佳宜

那可能有些女仔心目中都想有班觀音兵


問過身邊的男生們

如果發現自己女神當緊自己係觀音兵

你是用來攝時間/滿足她自己高高在上的自尊心優悅感

但絕對沒把你當一回事

你會怎樣


機乎清一色答"即刻斬欖"

雖然我知我男性朋友們的意見對社會現況不具代表性

但至少我明白到

好人好者大學畢業頭腦清晰有目標有能力社交沒問題

加上香港女多男少

他們可以玩女人

他們可以狂換女朋友

但絕對沒理由讓自己成為一個觀音兵!


按邏輯有觀音才有兵

那麼觀音應該不見得好到去什麼地步

又是那句

好人好者怎會容許那群問題男人埋自己身?


說穿了就是半斤八兩


那些埋唔到身

只能遠觀叫男人流口水的

是女神


那些任憑你狗衝

等你以為自己有機的

是觀音


雖然觀音和女神都來自天上

不同的是

女神可以配一個男神(希臘神話那些)

但觀音就是觀音!

觀音永遠是單身的!


這就是觀音的存在價值

永遠釣住你

可能她知道太親近的話會露底穿煲

她只不過是個讓男人試過之後都走夾唔抖的噁心公主病凡人港女


她這樣"保持距離"

真是用心良苦

特首

看完特首辯論

我超級唔想cy做到特首

呢個人實在太無恥太狼子野心


雖然我好唔鍾意唐英年

佢表達能力差

少爺仔唔識民間疾病

冇膊頭冇腰骨

牛頭唔搭馬嘴


但尋日辯論時發覺唐英年衰極都係自己私事搞唔掂

衰極都係官商勾結

如果佢真係做左特首

香港頂多都係同而家差唔多衰


但cy做我真係唔敢想像

被何俊仁問到2017雙普選,六四

佢帶大家遊花園

(雖然唐都有遊,但我覺得佢真誠d)


唐英年被何俊仁追問果時

睇得出有d良心發現

但cy係面無懼色當聽唔到

cy比我既feel係佢為左做特首

佢會不惜任何代價

包括扼殺港人言論自由

做所有野來擦中央鞋


他解釋鄧小平應拿和平獎的時候無恥至極!

虧他說得出口

好噁心!

唐英年的無恥頓時變得小巫見大巫!


我現在還有點欣賞唐英年的真心膠

因為大家摸得清佢個底

但cy真係深不見底

他和中共真是perfect match


cy做特首

香港即死

扮妹

今日照著鏡子

幫頭髮分界的時候

突然無聊起來

我一手將前面的瀏海向後chow扮起ABC來

(這個動作是鬼妹們常做的動作)

我想起我那做過又一城CS的老死告訴過我

她常常遇到明顯在香港大的"假ABC"到counter問野

有個一面這樣撥頭髮一面chok著問:請問lockon o係邊


lockon=log on

就等如not at all要說成"not踢拖"一樣

我的老死扮假ABC扮得太傳神

我回想起也忍不住大笑


其實真假ABC﹑架妹﹑韓妹都唔難分

因為她們只是外表上的模仿


我個人沒有膽量扮任何妹

因為一扮就要扮得徹底

可是我的廣東話/港式英文會出賣我

我不想被人笑/.\

而且我是個香港大的香港人

沒什麼身份需要扮



假ABC的中文程度有限

他們會以"自己唔識中文為榮"

其實國際學校是會教中文的!

只是他們shame on chinese所以才"不懂"



"扮妹"其實會不會是自卑心作祟?

心理上會有優悅感?

但扮了,人家也不會當你是自己人

而自己人又不再覺得你是自己人

只有一齊扮的那堆人才是自己人


這麼沒個性

連自己是誰也認不清

好蠢好唔型


我們要捍衛的核心價值

其中之一是承傳香港及中國(不是共產黨)的文化

原來過得很快樂

日子過得愈來愈沒什麼大不了

星期一像星期二

今個月像上個月

記憶開始模糊﹑沒有時間感﹑短暫

想要牢牢記住一些值得記下來的東西

我不敢靠自己的腦袋

因為無論多深刻的東西都會隨時間fade away


幸好這世上有相機

廿一世紀更有數碼相機

很多回憶永遠地被記住了


悶了

腦袋放空了

打開電腦內的folder

選擇性地打開某些記憶回味


攝影日期很有標誌性

如果是很久以前拍下來的

你會慨嘆自己久違了那些快樂

如果是以為很久卻是不久以前拍下的相片

你會安慰自己不久前才有過愉快的時光


慶幸讀過大學上過莊

那兩年的日子實在太深刻

深刻到記不起畢業後發生了什麼

(實情是打工的日子真的沒什麼值得記下來)


記得orange days提到

回憶是要製造出來的

那麼就坐言起行

經常製造節目

比個藉口自己影相

讓自己腦袋充滿回憶吧!

sosad

教師一句二奶女　醫生質疑有冇病 校園受辱醫院被屈女生自盡

what a sad news

中學果時都有個老師試過o係家長日同我屋企人講埋d好唔負責任既說話

莫講為人師表

連一個正常人都唔會講既野

偏偏出自佢把口

我對果件事感到非常憤怒和失望


另外就係個女仔既父母年事已高既問題

認真

又老又窮就唔好生

愈老生下一代有病既機會會更大

仲要窮

有病都冇錢醫


香港呢個城市

很多人都神經緊張

好多人唔多唔少精神都有d問題

但我地冇意識要去見心理醫生

其實唔係有精神病先要去睇


依照個報導

個醫生話要影低相個女仔個反應咁大

平時周身痕

讀書成績又唔好

又比人話二奶女

又窮

呢d事係比人好大壓力

但唔足以令到一個人求死

只要有專業人士開解就ok


16歲咁就死左

好可惜


我地個社會成日掛住"經濟發展"

可唔可以心智都發展下?

如果我是卓韻芝

卓韻芝 回應fur事件 - 道歉。事件的始末。

佢以前有口才可以做DJ

而家又出晒書講愛情

遲下又開talk show

好似世事都給佢看透咁款


但佢之前走完去自殺死唔去出來道歉

岩岩同男model影親密+舉中指相

上兩日po張著fur相上weibo

比人怒插就拍條道歉video


我真係唔知應該話佢有腦定白痴


佢o係條片入面話唔想件fur就咁掉左落垃圾桶所以著左佢

但又話自己愛護動物

完全矛盾


如果我係佢

如果我想博宣傳

愛護動物既我會影底張fur in the rubbish bin既相

然後po上自己個weibo叫人反思

而唔係好pround咁著晒上身再chok住樣影相

sorry

張相反影唔到背後既故事

反而覺得係鼓勵著皮草

食齋

近日fb 有好多人share韓國合法食狗肉的old news

反對的理由是"狗是人類最忠心的朋友"

繼而說"以後唔去韓國"


其實我不太懂

我覺得只有veggie才有資格叫人不要吃狗


口口聲聲說吃狗殘忍的人

還是會吃豬牛雞等等的肉類

難道殺豬牛雞的方法又不殘忍嗎?

為什麼還吃?

是因為你看不到牠們被殺的過程

是因為你家裡養了條狗

不忍心吃這可愛的東西


牛是幫人耕田的

驢是幫人背重物的

馬是用來代步的

豬有人類三歲小孩的智商

所有動物都有生命,有感覺,會思想,會痛


覺得殘忍就吃素

或者自己選擇不吃狗肉

邊吃肉類邊罵人吃狗沒人性的

我搞不清楚你是虛偽還是以為同情心就是道理

怪物

陶傑--壁上觀
作為一個小小蝗蟲


尋日o係朗豪坊food court見到強國人一家大小在吃東西

本來自然反應抗拒了一下

但他們沒有喧嘩或隨地吐痰

除了樣子很大陸之外

行為和普通香港人無異

然後我聽到我熟識的南海口音廣東話

其實廣東人不嬲o係禮貌上都好ok

隨地痾屎痾尿既係廣東人本身都好憎既"lau佬" "北佬"

我覺得我地唔應該一見到強國人就歧視

那些向我問路的強國人都很有禮貌

遇到說廣東話的我會覺得很親切

其實我們真的要反省一下將所有大陸人label為蝗這回事

那怕99.9%的強國人都是蝗

那0.1%是一股難得的清泉

那極小眾無辜被稱蝗是很無辜很無奈的

像我人在歐洲

很多當地人最愛問你來自哪裡

他們會先猜我是日本人,之後是韓國人

當我說"i am chinese"

他們十居其九都不相信

他們說: Chinese aren't like that

說這句的時候嗤之以鼻

我然後說: i come from hong kong

他: oic! that's y u dun look like chinese!

可想而知chinese在他們心目中的形象有幾差

在他們心目中

香港和中國是有分別的

不過不是每次都有機會澄清

有些人會歧視asian

是針對黃種人啊

比針對國籍更糟

被人歧視的感覺是很差勁的

己所不欲勿施於人

說回那99.9%的蝗

我在羅馬許願池

被一個強國女人一手推開

用普通話叫我"滾"

原因是我站在那裡令她全家霸不到靚位影相

真的想dklm

有種就說英文叫我滾

我一句話也沒說

還"很像日本人"

你知我一定聽得懂你說的屁話嗎?

以為普通話是國際語言??

我也懶得跟她理論

因為"我不是中國人"

真的多得他們死霸爛霸的德性
偷渡之普遍
嚇怕發達的國家
(其實個國家好就唔洗偷渡,我都明)
害得拿著有中文字的特區護照在某些國家得不到應有的入境權

我看著自己那本舊版特區護照

沒有膠面沒有先進防偽特徵

明明是本真野

但那個版面設計

那些礙眼的中文字

那句"people's republic of china"

god!!

突然連我自己都覺得那是本假野!!!

蝗不單蠶食香港的一切

還蠶食了香港人在外國合法入境及被公平對待的權利

世界上怎樣會有如此數以億計的怪物??

我突然想起漫畫monster說到的共產黨洗腦鍛鍊出來的怪物

真實世界的怪物

不是殺人機器

而是蝗

自救

其實香港政府還可靠嗎?

我們真的要自救

本人有幾個不同程度的自救plan


團結plan

1-有組織地以字面表達訴求

2-如1無效,有組織地和平遊行

3- 如2無效,有組織地激烈示威

4-如3無效,全城暴動


中產plan

-如果有錢就移民

-如果冇乜錢就諗辦法做生意賺大陸人錢(吸晒佢地d水)


冇良心plan

-入民建聯

-努力打政府工成為高官

-入共產黨


plan可混合使用

新婚的老婆曬命

每年阿媽都會封兩封"嚴"字大利是比我

望住個"嚴"字

覺得好怪


總覺得有姓氏的利是封是讓新婚的老婆曬命

"輪到我派利是喇!"

"我係陳太!我嫁左!"


姓氏利是封好OLD SCH

而且好難循環再用(除非你同姓)


還是環保一點

用些沒有膠水封口的更好

我們都要變煩

明明冇落雨阿媽又要人帶遮出街

最後把遮拎左成日冇用過

明明唔係好凍阿媽又要人著多件褸

搞到出到唻熱到死死下除左仲要拎成日麻鬼煩

點解d阿媽/大人咁煩又長氣?


我們做了廿幾年人都吊兒郎當

寧願冒雨也不帶遮

出街唔夠衫就買包暖貼

不明白為什麼那些大人會如此長氣

公司的老員工做事為什麼那麼一板一眼


當我們投身社會

工作已經不再是做project

但如果要視工作為一份project

那麼每次都一定要拿A


拿A啊

很有壓力慌死會錯的

(i am already錯到九彩)


當你覺悟要如何做得更好的時候

你會發現你隨時要有幾手準備

send完野應該打個電話去問人家收到沒

唔sure的時候記得要問

問人可能會令人覺得你笨

不過總好過懶醒唔問最後submit左衰左要成班人同你背黑鍋

你老細永遠會expect你做得最好

而且永遠覺得你明佢想點

所以當佢"無啦啦"殺出一個要求的時候

你要好快咁答佢(因為事前你已經要估到佢會咁問你)


see??

大人的世界

人家要求你做10分的東西

你要暗地裡做到15分

那5分是預用的


大人的世界是不容許有risk的

試問在如此的環境下生存

怎會不變得"又長又chum"?


事前煩都好過發生左之後煩


是時候欣賞媽媽的先見

愛靚又愛命 健步如飛高跟鞋

十個自認鞋痴,十二個都情迷高跟鞋

貪佢一著上腳,輕輕鬆鬆就擁有修長美腿

自問冇Lady GaGa咁好身手著12吋高跟鞋仲識跳舞

我(或者大部份人)都係大時大節make sure唔洗點行先有勇氣穿上呢種好睇唔好著既妖物

因為實在太痛太支力

其實只要識得揀

長時間著高跟鞋行街絕對冇問題

2-3吋最理想  Platform偷雞

2-3吋跟係最perfect的鞋跟高度

可以做到修長效果之餘,亦唔會因為屹得太高導致小腿肌肉"起展"有一大舊肌肉谷出唻

厚底platform令對腳踩落地冇咁痛之餘

亦可以偷雞增高

對腳明明只係承受2.5吋既壓力

加埋個platform足足變左3.5吋

賺左!

platform幫你偷雞高多吋

船跟粗跟分散壓力

以前就話興斗零爭冇得揀

但近十年都流行粗跟船跟

可以分散腳跟承受的壓力

又企得穩d

仿木跟輕盈之選

木跟睇上去好有質感

但著住佢行得耐

每踏出一步都非常沉重費力

所以膠質的仿木跟絕對係你既好朋友

非常迫真而且好輕

"咯咯"聲亦相對好細聲

o係office或者一d好靜既地方行路都唔會嘈親人

Dalphne仿木跟ankle boots又輕又靜

刮腳有樣睇

最普遍的刮腳位係腳跟位

腳跟位通常有內外兩層

內層的質地的軟硬度比較需要開注

選購的時候可以用手輕按腳跟位睇下軟唔軟

每對鞋的手工都有差異

試穿果對比唔同人著過

可能會因為著舊左而變軟唔刮腳

要對新的時候一定要check清楚

如果鞋款是通花(特別是涼鞋)或是有好多條幼帶

佢可能會刮腳既機會就愈高

因為呢d details位都有好多"邊位"
同隻腳既接觸面多左

刮既機會自然多左

斗零爭

薄底

多帶多邊

睇樣已經覺得又支力又刮

防刮法寶

3M透明醫生膠布

透明又痴得實

絕對唔會行行下甩咁核突

記得痴埋腳掌位

腳掌位落鞋墊當然舒服

不過對鞋相對縮少變迫

又帶出另一個問題

而且痴落涼鞋會穿崩

落地測試要做足

o係帶你對寶貝鞋正式出征前

最好著佢落街買份報紙或試行一段短短的路程

make sure佢著得舒服咁就可以昂首闊步行街返工shopping啦!

白痴

龍紋身的女孩是本讓我看得非常吃力的書

(海邊的卡夫卡,達文西密碼也是)

真的很難從翻譯小說中找到文字的樂趣

身為一個讀者

覺得那些唸翻譯的在搞什麼鬼?

根本就是google翻譯

完全是意譯

一點中文色彩也沒有

中文的精髓是簡而精

從這些翻譯書中一點也找不到

用中文作母語的我們平常根本不會這樣寫句子

完全沒有考慮讀者的感受

這些翻譯員簡直是bullshit!


那些譯名也看得人頭昏腦脹

主角叫麥可.布隆維斯特

"布隆維斯特"會不會太長?

還有范爾耶家族

除了要角亨利.范爾耶

裡面有幾十個XXX.范爾耶

我知道外國人是姓氏行先

但有時叫人"范爾耶"有時叫"亨利"

come on!

很亂!


這些翻譯員可否加入一點中文智慧??

那個家族譯作"范"不就好了?

范亨利

范海莉

范馬丁

麥可.布隆維斯特叫"布麥可"不就很簡單嗎??


究竟有沒有看過麗音電視??

人家那些名字才是翻譯


書本翻譯員很多也是白痴!

和諧

"和諧唔係一百個人講同一句野,和諧係一百個人講一百句唔同既野之餘,而又互相尊重"

天與地大結局又爆出一句金句

然後話句野係寫比阿爺睇


有沒有想過這句子有幾諷刺?

親子皇國的c9不懂欣賞

然後被其他"有taste"的網民插到爆

這幫人在打壓異己

和土共有什麼分別?



捧到天與地上天

說人家get唔到

其實有幾多個人真的get到?


五十步笑百步

有口話人沒口話自己

可笑


這個世界根本就有很多不同的聲音

永遠有人傾唔埋欄

現實裡

你最多不和那個傾唔埋欄既人講野

如果你無啦啦走去屌人

那麼智障的是你